ម៉ូតូពីរគ្រឿងបុកគ្នាពេញទំហឹងបណ្ដាលឲ្យបុរសម្នាក់រងរបួសបាក់ជើងម្ខាង

ភ្នំពេញ៖ បុរសម្នាក់បើកម៉ូតូឌ្រីម សង់សុខៗ ត្រូវម៉ូតូណៃហត បើកដោយបុរសបីនាក់ បានបុកពេញទំហឹងបណ្ដាលរងរបួសបាក់ជើងម្ខាង ។

ហេតុការណ៍នេះ កើតឡើងនៅវេលាម៉ោ២និង១០នាទីរំលងអធ្រាត្រ ឈានចូលថ្ងៃទី២៣ ខែមីនាឆ្នាំ២០១៧ ស្ថិតនៅតាមបណ្ដោយផ្លូវ២១៧ នៅចំណុចច្រមុះជ្រូកស្ទឹងមានជ័យ សង្កាត់ស្ទឹងមានជ័យ ខណ្ឌមានជ័យ។

យោងតាមព័ត៌មានពីកន្លែងកើតហេតុបានអោយដឹងថាមុនពេលកើតហេតុគេឃើញយុវជនបីនាក់បើកម៉ូតូ១គ្រឿងម៉ាកណៃហនពណ័ខ្មៅពាក់ស្លាកលេខ ភ្នំពេញ.1L7164 បើកពីកើតទៅលិចក្នុងល្បឿនលឿន ខណៈមកដល់ចំណុចកើតហេតុខាងលើ បានជ្រុលទៅបុកម៉ូតូឌ្រីម សង់ពណ៌ខ្មៅ ពាក់ស្លាកលេខ ភ្នំពេញ1CD5328 បើកដោយបុរសម្នាក់ពីលិចទៅកើត ក្នុងទិសដៅបញ្ច្រាសគ្នាពេញទំហឹង បណ្ដាលឲ្យបុរសខាងម៉ូតូឌ្រីម សង់ រងរបួសបាក់ជើងម្ខាង ចំណែកភាគីខាងម៉ូតូណៃហត មិនមានរងរបួសទេបានរត់ចោលម៉ូតូបាត់ស្រមោល ។

ក្រោយហេតុការណ៍អ្នករងរបួសត្រូវបានរថយន្តគ្លីនិចឯកជនដឹកយកសង្គ្រោះភ្លាមៗ ។

ក្រោយកើតហេតុ សមត្ថកិច្វមូលបានចុះមកដល់វាស់វែងយកម៉ូតូទាំងពីរគ្រឿងទៅអធិការដ្ឋានខណ្ឌមានជ័យ រង់ចាំភាគីចូលខ្លួនមកដោះស្រាយទៅតាមផ្លវច្បាប់៕ តាឡឹម