សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ជនសង្ស័យម្នាក់ត្រូវនគរបាលប៉ុស្តិ៍មនោរម្យឃាត់ខ្លួន បន្ទាប់ពីធ្វើសកម្មភាពឆក់ទួរសព្ទ័ដៃ១គ្រឿង ពីបុរសម្នាក់បានសម្រេច តែរត់មិនរួចបង្កការភា្ញក់ផ្អើលកាលវេលាមោម៉ោង២និង២០រំលងអធ្រាត្រ ឈានចូល ថ្ងៃ៣០ ខែមីនា ឆ្នាំ២០១៧ នៅចំណុចមុខផ្ទះលេខ១៣៧Eo ផ្លូវលេខ១០៩ សង្កាត់មនោរម្យ ខណ្ឌ៧មករា រាជធានីភ្នំពេញ។
សមត្ថកិច្ចឲ្យដឹងថា ជនសង្ស័យមានឈ្មោះ ពេជ្រ ប៉ារីស ភេទប្រុស អាយុ១៧ឆ្នាំ មុខរបរគ្មាន ជនជាតិខ្មែរ ស្នាក់នៅផ្ទះជួល ម្ដុំផ្សារកណ្ដោល សង្កាត់ផ្សារកណ្ដោលទី១ ខណ្ឌដូនពេញ រាជធានីភ្នំពេញ ។ រីឯជនរងគ្រោះឈ្មោះ រាជ សំ ភេទប្រុស អាយុ២៥ឆ្នាំ ស្នាក់នៅផ្ទះលេខ១៣៧Eo ផ្លូវលេខ១០៩ សង្កាត់មនោរម្យ ខណ្ឌ៧មករា ។
ប្រភពឲ្យដឹងថា មុនកើតហេតុ ម្ចាស់ទូរស័ព្ទបានអង្គុយលើម៉ូតូ កំពុងនិយាយទួរសព្ទ័ ស្រាប់តែមានជនសង្ស័យ២នាក់ជិះម៉ូតូម៉ាកឡែត ពណ៌ស ពាក់ស្លាកលេខ ភ្នំពេញ 1BY.7690 បានធ្វើសកម្មភាពឆក់ទួរសព្ទ័ពីបុរសនិយាយទូរស័ព្ទ ភ្លាមៗនោះ ម្ចាស់ទូរស័ព្ទក៏បានស្រែកជួយផង ចោរឆក់ ពេលនោះក៏ត្រូវកំលាំងសម្ថកិច្ចប៉ុស្តិ៍មនោរម្យ ដែលល្បាតនៅជិតនោះបានដេញចាប់ភ្លាមៗបានជនសង្ស័យម្នាក់ ចំណែកម្នាក់ទៀតរត់រួច ។
ជនសង្ស័យ រួមនឹងវត្ថុតាងត្រូវសមត្ថកិច្ចប៉ុស្តិ៍មនោរម្យនាំខ្លួនទៅអធិការដ្នាននគរបាលខណ្ឌ៧មករា ដើម្បីចាក់ការតាមច្បាប់ ។
ចំណែកទូរស័ព្ទដៃម៉ាកសាំសុង ពណ៌ស ត្រូវសមត្ថកិច្ចដកហូតពីជនសង្ស័យ និងប្រគល់ឲ្យជនរងគ្រោះវិញ ៕ ស រស្មី
