ជនសង្ស័យម្នាក់ត្រូវសមត្ថកិច្ចឃាត់ខ្លួនបន្ទាប់ពីធ្វើសកម្មភាពឆក់ទួរស័ព្ទដៃពីនារីម្នាក់

ភ្នំពេញ៖ ជនសង្ស័យម្នាក់ត្រូវនគរបាលប៉ុស្តិ៍ផ្សារដើមថ្កូវឃាត់ខ្លួន បន្ទាប់ពីធ្វើសកម្មភាពឆក់ទួរសព្ទ័ដៃ១គ្រឿងពីនារីម្នាក់បានសម្រេចតែរត់មិនរួច។បង្កការភា្ញក់ផ្អើលកាលវេលាម៉ោង៧និង២០នាទីយប់ ថ្ងៃ៣១ ខែមីនា ឆ្នាំ២០១៧ នៅចំណុចមុខផ្ទះ ២៣២ ផ្លូវ ១៥៥ ក្រុម ២៣ ភូមិ ៣ សង្កាត់ផ្សារដើមថ្កូវ ខណ្ឌចំការមន រាជធានីភ្នំពេញ។

ជនសង្ស័យឈ្មោះ ហែម សុធា ហៅលុច ភេទ ប្រុស អាយុ ២៧ ឆ្នាំ ជនជាតិខ្មែរ ស្នាក់នៅផ្ទះលេខ ២០៤ ផ្លូវ ៣៧១ ក្រុម ៥ ភូមិ ភូមិក្បាលទំនប់ ២ សង្កាត់បឹងទំពុន ខណ្ឌមានជយ័ មុខរបរ លក់បន្លែ ។

ជនរងគ្រោះឈ្មោះ ហ៊ី សុភណ្ណ័ ភេទ ស្រី អាយុ ៣៥ ឆ្នាំ ជនជាតិ ខ្មែរ ស្នាក់នៅផ្ទះលេខ ២៤៤ ផ្លូវលេខ ៦៥ BT ភូមិ ក្បាលទំនប់ សង្កាត់ បឹងទំពុន ខណ្ឌ មានជយ័ មុខរបរ លក់ដូរ ។

បើតាមប្រភពព័ត៌មានពីជនរងគ្រោះបានប្រាប់ឲ្យដឹងថា មុនកើតហេតុ រូបខ្លួនកំពុងឈរនិយាយទួរស័ព្ទ ស្រាប់តែមានជនសង្ស័យម្នាក់ជិះម៉ូតូម៉ាកហុងដាពណ៌ខ្មៅពាក់ស្លាកលេខ ភ្នំពេញ 1CD.4811 បានធ្វើសកម្មភាពឆក់ទួរសព្ទ័ពីរូបខ្លួនភ្លាមៗនោះរូបខ្លួនក៏បានស្រែកជួយផងចោរឆក់ ពេលនោះ ក៏ត្រូវកំលាំងសម្ថកិច្ចប៉ុស្តិ៍ផ្សារដើមថ្កូវកំពុងល្បាត បានដេញចាប់បានភ្លាមៗជនសង្ស័យបានម្នាក់ ។

ក្រោយកើតហេតុ ជនសង្ស័យ រួមនឹងវត្ថុតាងត្រូវបានសមត្ថកិច្ចប៉ុស្តិ៍ផ្សារដើមថ្កូវនាំខ្លួនទៅអធិការដ្នាននគរបាលខណ្ឌចំការមនដើម្បីចាក់ការតាមច្បាប់ ។

ចំណែកទូរស័ព្ទដៃ ម៉ាកSAMSUNG .Galaxy S.6 .edge ពណ៌មាស ត្រូវសមត្ថកិច្ចបានដកហូត និងប្រគល់ឲ្យជនរងគ្រោះវិញ ៕ ស រស្មី