សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ កម្លាំងនគរបាល ខណ្ឌឬស្សីកែវ បានចេញ បង្ក្រាបគ្រឿងញៀនខុសច្បាប់ដោយឃាត់បានស្ត្រីជួញដូរម្នាក់ រឹបអូសថ្នាំញៀនប្រភេទ ពណ៌សថ្លាចំនួន១១កញ្ចប់ កាលពីល្ងាចថ្ងៃទី ២១ ខែមេសា ឆ្នាំ២០១៧ នៅចំណុចផ្សារតាប៉ុន ក្រុម៤ ភូមិឡកំបោរ សង្កាត់ស្វាយប៉ាក ខណ្ឌឬស្សីកែវ។
លោក ម៉ៅ ចាន់ថុន នាយផ្នែកប្រឆាំងគ្រឿងញៀននគរបាលខណ្ឌឫស្សីកែវបានឲ្យដឹងថា ក្នុងប្រតិបត្តិការនេះជាលទ្ធផលបង្រ្កាបបានជាក់ស្តែងដោយដកហូតនូវសារធាតុញៀនមួយចំនួនធំ រួមនឹងឧបករណ៍ប្រើប្រាស់សារធាតុញៀនមួយចំនួនផងដែរ។
ដោយឡែកក៏បាន ឃាត់ខ្លួនស្រ្តីជួញដូរថ្នាំញើនម្នាក់មានឈ្មោះ ង្វៀង ធីហឿង អាយុ២៥ឆ្នាំ ជនជាតិវៀតណាម ស្នាក់ក្រុម៤ ភូមិឡកំបោរ សង្កាត់ស្វាយប៉ាក ខណ្ឌឬស្សីកែវ ជាមយយភស្តុតាងរឹបអូសបាន មានថ្នាំញៀនប្រភេទក្រាម ពណ៌សថ្លាចំនួន១១កញ្ចប់ផងដែរ ។
បច្ចុប្បន្នស្រី្តសង្ស័យរូបនេះត្រូវបាន កម្លាំងជំនាញរបស់អធិការដ្ឋាននគរបាលខណ្ឌឫស្សីកែវ កំពុងសាកសួរ ដើម្បីកសាងសំណុំរឿងបញ្ជូនទៅសាលាដំបូងរាជធានីភ្នំពេញចាត់ការតាមច្បាប់ ៕ ប្រាថ្នា
