សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់ស្រវឹងស្រាបើករថយន្ដធុនធំដឹកទំនិញជ្រុលទៅបុករបាំងថ្ម ពុះចែកទ្រូងផ្លូវពេញទំហឹងបណ្ដាលរថយន្ដរងការខូចខាត ហើយព្យាយាមបើករត់គេចតែបើកចូលដល់ផ្លូវទាល់ទៅមុខមិនរួច ត្រូវសមត្ថកិច្ចឃាត់បានតែម្ដង។
ហេតុការណ៍បានកើតឡើងនៅវេលាម៉ោង២១និង៣០នាទី ថ្ងៃទី១ ខែឧសភា ឆ្នាំ២០១៧ នៅចំណុចផ្លូចលេខ២៧១កែងផ្លូវលេខ៣៧១ ស្ថិតក្នុងសង្កាត់ ផ្សាដើមថ្កូវ ខណ្ឌចំកាមន រាជធានីភ្នំពេញ ។
រថយន្ដបង្កម៉ាកហ៊ីយ៉ានដាយ ពណ៌ស ពាក់ស្លាកលេខ ភ្នំពេញ3B-6799 បើកបរដោយឈ្មោះ មាស ប៊ុន្នី ភេទប្រុស អាយុ៤០ឆ្នាំ ក្នុងស្ថានភាពស្រវឹង ។
ប្រភព័ត៌មានពីកន្លែងកើតហេតុបានឲ្យថឹងថា នៅមុនពេលកើតហេតុគេបានឃើញរថយន្ដបង្កបើកបរតាមបណ្ដោយផ្លូវលេខ២៧១ ទិសដៅពីកើតទៅលិច ពេលមកដល់ចំណុចកើតហេតុ ក៏ជ្រុលបុករបាំងថ្មពុះចែកទ្រូងផ្លូវបណ្ដាលអោយខូចខាតបន្តិចបន្ទួច ចំណែករថយន្ដខូចខាតផ្នែកខាងមុខចំហៀងខាងស្ដាំ ។
ប្រភពបានបន្តថា ក្រោយពីបង្កហេតុអ្នកបើករថយន្ដមិនបានឈប់នៅកន្លែងកើតហេតុនោះទេ គឺព្យាយាមបើកគេចខ្លួនតែដោយមិនស្គាល់ភូមិសាស្ត្រផ្លូវច្បាស់លាស់ ក៏បើករថយន្ដចូលផ្លូវទាល់ ក៏ត្រូវសមត្ថកិច្ចឃាត់បានតែម្ដង ។
ក្រោយមកទើបកម្លាំងសមត្ថកិច្ចទំនាក់ទំនងទៅកម្លាំងជំនាញចុះវាស់វែងយករថយន្ដបង្កទៅរក្សាទុកនៅការិយាល័យចរាចរណ៍រាជធានីភ្នំពេញដើម្បីដោះស្រាយតាមផ្លូវច្បាប់ ៕ ភារ៉ា ដង្កោ
