សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ សមត្ថកិច្ចប៉ុស្តិ៍ភ្នំពេញថ្មីឃាត់ខ្លួនជនសង្ស័យប្រើប្រាស់សារធាតុញៀនបីនាក់ កាលពីវេលាម៉ោង១៦និង៣០នាទី ថ្ងៃទី១៤ ខែឧសភា ឆ្នាំ២០១៧ នៅតាមចិញ្ចើមផ្លូវភ្នំពេញហាណូយ ភូមិបាយ៉ាប សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។
ជនសង្ស័យទាំង៣នាក់នោះទី១ ឈ្មោះ សំ ជូរី អាយុ១៩ឆ្នាំ មុខរបរកម្មករសំណង់ ស្នាក់នៅការដ្ឋានសំណង់ សង្កាត់ព្រែកលៀប ខណ្ឌជ្រោយចង្វា រាជធានីភ្នំពេញ ។
ទី២ ឈ្មោះ ជឹម ចាន់រ៉ា ហៅរ៉ា អាយុ២០ឆ្នាំ មុខរបរកម្មករសំណង់ ស្នាក់នៅការដ្ឋានសំណង់ សង្កាត់ព្រែកលៀប ខណ្ឌជ្រោយចង្វា រាជធានីភ្នំពេញ ។
និងទី៣ ឈ្មោះ សេង ចិត្ត្រា ហៅត្រា អាយុ២១ឆ្នាំ មុខរបរព្រូឡាន ស្នាក់នៅការាសឡាន ភូមិបន្លាស្អិត សង្កាត់ឃ្មួញ ខណ្ឌសែនសុខ រាជធានីភ្នំពេញ ។
នៅមុនពេលកើតហេតុ សមត្ថកិច្ចប៉ុស្តិ៍ភ្នំពេញថ្មីល្បាតចំណុចកើតហេតុឃើញក្រុមជនសង្ស័យហៅសួរនាំរួចនាំខ្លួនទៅអធិការដ្ឋាននគរបាលខណ្ឌសែនសុខដើម្បីសាកសួរហើយធ្វើតេស្តិ៍ទឹកនោម លទ្ធផលឃើញមានសារធាតុញៀន ទើបសមត្ថកិច្ចឃាត់ខ្លួនទាំង៣នាក់ ។
ទាំង៣នាក់ត្រូវឃាត់ខ្លួននៅអធិការដ្ឋាននគរបាលខណ្ឌសែនសុខដើម្បីបន្តនីតិវិធី ៕ តុង សីហា
