ប៉ះអ៊ុតម៉ូតូក្បែរដបសាំងឆាបឆេះរត់ជាន់គ្នាផ្អើលទាំងព្រឹក

ភ្នំពេញ៖​ ហេតុការណ៍គ្រោះអគ្គីភ័យមួយបានឆាបឆេះ ខណៈជាងប៉ះកង់ម្នាក់បានកំពុងប៉ះម៉ូតូឲ្យគេបណ្តើរ និងជក់បារីបណ្តើរ ស្រាប់តែឆាបសាំងដបដែលនៅក្បែរឆេះបណ្តាលឲ្យរងការខូចខាតម៉ូតូមួយគ្រឿង និងម៉ាសីុនខ្យល់បង្កការភ្ញាក់ផ្អើលកាលពីវេលាម៉ោង8និង55នាទីព្រឹក ថ្ងៃទី៤ ខែកក្កដា ឆ្នាំ២០១៧ ស្ថិតនៅច្រកចូលរោងចក្រQMI ដែលស្ថិតនៅក្នុងភូមិត្រពាំងពោធិ៍ សង្កាត់ចោមចៅ ខណ្ឌ ពោធិ៍សែនជ័យ រាជធានី ភ្នំពេញ។

តាមប្រភពព័ត៌មានបានឲ្យដឹងថា មុនពេលកើតហេតុ គេបានឃើញមានស្ត្រីម្នាក់យកម៉ូតូម៉ាកគុបជ្រុង ពណ៌ទឹកប៊ិចពាក់ស្លាកលេខ ង៥៦៤០ ភព១ ទៅប៉ះទីតាំងខាងលើ ខណៈជាងកំពុងប៉ះបណ្តើរ និងជក់បារីបណ្តើរ ស្រាប់តែឆាបឆេះដបដាក់សាំងនៅខាងមុខ ហើយដបសាំងទាំងនោះក៏បានផ្ទុះឆាបឆេះតែម្តង បង្កការភ្ញាក់ផ្អើលដល់ប្រជាពលរដ្ឋដែលរស់នៅក្បែរនោះ និងខាងសមត្ថកិច្ចជួយយកបំពង់ពន្លត់អគ្គីភ័យមកបាញ់ជាច្រើន ទើបអាចពន្លត់អគ្គីភ័យនេះទាំងស្រុង ដោយមិនបានរាលដាលដល់ជិតខាងនោះឡើយ គ្រាន់តែរងការខូចខាតម៉ូតូ១គ្រឿង និងសម្ភារប៉ះកង់រួមទាំងបំពង់បូមខ្យល់មួយតែប៉ុណ្ណោះ។ ក្រោយកើតហេតុម្ចាស់ទីតាំងបានគេចខ្លួនបាត់។

បច្ចុប្បន្នសមត្ថកិច្ចបានយកម៉ូតូនិងសម្ភារៈដែលឆេះយកទៅប៉ុស្តិ៍ចោមចៅដើម្បីរង់ចាំម្ចាស់ចូលខ្លួនមកដោះស្រាយ៕ សុខាសែនជ័យ