ចាប់ខ្លួន៩នាក់ករណីបង្ក្រាបហ្គេមបាញ់ត្រី២៧ណេតនៅខណ្ឌសែនសុខ

ភ្នំពេញ៖ មនុស្សប្រុស ស្រី ៩នាក់ត្រូវសមត្ថកិច្ចឃាត់ខ្លួន ក្នុងអំឡុងពេលចុះបង្ក្រាបហ្គេមបាញ់ត្រី២៧ណេត ២៤ម៉ោង ។ ជាមួយគ្នានេះដែរ សមត្ថកិច្ចបានចាប់យកទូហ្គេមបាញ់ត្រី២ទូប្រគល់ជូនសាលាខណ្ឌសែនសុខ និងម៉ូតូ៣គ្រឿង ។

ការចុះបង្ក្រាបធ្វើឡើងកាលពីវេលាម៉ោង១០ព្រឹក ថ្ងៃទី៨ ខែកក្កដា ឆ្នាំ២០១៧ ស្ថិតនៅផ្លូវបេតុង ផ្ទះលេខ១៩៥៩ដេ ក្រុមទី៥ ភូមិទ្រុងមាន់ សង្កាត់អូរបែកក្អម ខណ្ឌសែនសុខ រាជធានីភ្នំពេញ ។

ជនសង្ស័យទាំង៩នាក់ ក្នុងនោះមានស្រីម្នាក់ ដែលចូលទៅលេងហ្គេម និងអ្នកមើលការខុសត្រូវទីតាំងផងដែរ កំពុងសាកសួរនៅអធិការដ្ឋាននគរបាលខណ្ឌសែនសុខ ៕ តុង សីហា