ឃាត់ខ្លួនជនជាតិចិនឆក់កាបូបលុយភ្ញៀវខ្មែរដែលកំពុងហូបអាហារក្នុងហាង

ក្រុងព្រះសីហនុ៖ នគរបាលបានចាប់ឃាត់ខ្លួនជនសង្ស័យជាជនជាតិចិនម្នាក់ ដែលជាចោរឆក់កាបូករបស់ភ្ញៀវជនជាតិខ្មែរ នៅភោជនីយដ្ឋានម្លប់ជ្រៃ ជិតសាលាខេត្តព្រះសីហនុ ស្ថិតនៅសង្កាត់លេខ៣ ក្រុងខេត្តព្រះសីហនុ កាលពីម៉ោង៨កន្លះយប់ ថ្ងៃ៨ ខែកក្កដា ឆ្នាំ២០១៧។

បើតាមអ្នកឃើញហេតុការណ៍ឲ្យដឹងថា ក្នុងពេលដែលជនសង្សយ័រូបនេះធ្វើសកម្មភាពឆក់កាបូបភ្ញៀវខ្មែរ ដែលកំពុងហូបអាហារក្នុងហាង ក្រុមបុគ្គលិកនៅភោជនីយ៍ដ្ឋានម្លប់ជ្រៃ បានដេញស្ទាក់ចាប់ រួចហើយរាយការណ៍ជូននគរបាលសង្កាត់លេខ៣ ចុះមកនាំខ្លួនជនសង្សយ័ជនជាតិចិនរូបនេះទៅសាកសួរបន្តតាមនិតិវិធីប្បាប់៕ ឆ្លាមសមុទ្រ