សារព័ត៌មាន នគរវត្ត តែងតែនាំមុខគេជានិច្ច
ខេត្តកណ្តាលៈ សមត្ថកិច្ចនគរបាលស្រុកខ្សាច់កណ្តាល សហការជាមួយនគរបាលប៉ុស្តិ៍រដ្ឋបាលស្វាយជ្រំឡោមព័ទ្ធបង្រ្កាបមុខសញ្ញាជួញដូរគ្រឿងញៀនខុសច្បាប់០២នាក់ នៅក្នុងបន្ទប់លេខ០៨ ផ្ទះសំណាក់“នីតាឡាក់គី” ស្ថិតក្នុងភូមិបារាជ ឃុំស្វាយជ្រំ ស្រុកខ្សាច់កណ្តាល ខេត្តកណ្តាល ។ ប្រិបត្តិការនេះនេះធ្វើឡើង កាលពីវេលាម៉ោង១០យប់ ថ្ងៃទី២៤ ខែកក្កដា ឆ្នាំ២០១៧ ដោយមានការចូលរួមពីម្ចាស់ផ្ទះសំណាក់ខាងលើនេះផងដែរ ។
មន្ត្រីនគរបាលស្រុកខ្សាច់កណ្តាលបានឲ្យដឹងថា ជនសង្ស័យ ទី១-ឈ្មោះ ញ៉ែម សំណាង ភេទប្រុស អាយុ២៧ឆ្នាំ ជនជាតិខ្មែរ មុខរបរ មិនពិតប្រាក ទី២-ឈ្មោះ សៀ សុខខេង ភេទប្រុស អាយុ៣១ឆ្នាំ ជនជាតិខ្មែរ មុខរបរ មិនពិតប្រាកដ ។ ជនសង្ស័យទាំង២នាក់មានទីលំនៅភូមិអរិយក្សត្រ ឃុំអរិយក្សត្រ ស្រុកល្វាឯម ខេត្តកណ្តាល ។ ក្នុងប្រតិបត្តិការបង្រ្កាបចាប់ខ្លួនជនសង្ស័យ សមត្ថកិច្ចបានធ្វើការដកហូតវត្ថុតងរួមមាន៖ ថ្នាំញៀនប្រភេទមេតំហ្វេតាមីន ហៅម៉ាទឹកកកចំនួន០១កញ្ចប់ ,កាបូបស្ពាយ ពណ៌ខ្មៅចំនួន០១ ,ទូរស័ព្ទដៃម៉ាកណូគា០១គ្រឿង ,សម្ភារៈសម្រាប់វេចខ្ចប់ និងឧបករណ៍សម្រាប់សេពគ្រឿងញៀនមួយចំនួនផងដែរ ។
ប្រភពដដែលបានបន្តថា ជនសង្ស័យទាំង២នាក់ ខាងលើនេះ ជាមុខសញ្ញាជួញដូរ និងប្រើប្រាស់គ្រឿងញៀននៅក្រៅមូលដ្ឋាន ត្រូវបានសមត្ថកិច្ចនគរបាលកំណត់និងតាមដាន ដោយសារតែក្រុមជនសង្ស័យខាងលើនេះឧស្សាហ៏ ចេញចូលមកធ្វើសកម្មភាពនៅក្នុងភូមិសាស្ត្រស្រុកខ្សាច់កណ្តាល ។ លុះមកដល់យប់ថ្ងៃទី២៤ ខែកក្កដា ឆ្នាំ២០១៧ សមត្ថកិច្ចនគរបាលទទួលបានព័ត៌មានថា ជនសង្ស័យទាំង២នាក់នេះចូលមកស្នាក់នៅក្នុងបន្ទប់ផ្ទះសំណាក់យីហោខាងលើនេះ ដើម្បីធ្វើសកម្មភាពជួញដូរនិងប្រើប្រាស់គ្រឿងញៀន ។ បន្ទាប់ពីទទួលបានេព័ត៌មានច្បាស់ការ សមត្ថកិច្ចនគរបាលស្រុកខ្សាច់កណ្តាលសហការជាមួយនគរបាលប៉ុស្តិ៍ និងម្ចាស់ផ្ទះសំណាក់ឆ្មក់ចូលទៅឡោមព័ទ្ធ បង្រ្កាបចាប់ខ្លួនជនសង្ស័យទាំង២នាក់រួមជាមួយវត្ថុតាងជាក់ស្តែង បញ្ជូនទៅកាន់អធិការដ្ឋាននគរបាលស្រុក ដើម្បីកសាងសំណុំរឿងចាត់ការតាមច្បាប់ ៕ ស្អាងជ័យ
