សារព័ត៌មាន នគរវត្ត តែងតែនាំមុខគេជានិច្ច
ខេត្តសៀមរាប៖ ផ្ទះមន្រ្តីនគរបាលខេត្តសៀមរាប ធ្វើពី ឈើលើ ថ្មក្រោម ១ខ្នង ត្រូវអគ្គីភ័យឆេះ អស់ទាំងស្រុង បង្កឲ្យមានការភ្ញាក់ផ្អើល នៅម៉ោងវេលា១១ព្រឹក ថ្ងៃទី៧ ខែសីហា ឆ្នាំ២០១៧ ស្ថិតនៅភូមិភ្ញារជ័យ សង្កាត់ស្វាយដង្គុំ ក្រុងសៀមរាប ដែលករណីអគ្គីភ័យនេះ គឺបណ្តាលមកពីការទុស្សេខ្សែភ្លើង ពេលម្ចាស់ផ្ទះទៅធ្វើការបាត់។
តាមប្រភពពីមន្ត្រីនគរបាលមូលដ្ឋានបានប្រាប់ថា មានករណីអគ្គីភ័យមួយបានកើតឡើង ដោយឆេះផ្ទះប្រភេទឈើ លើថ្មក្រោម ទំហំ ៧ម៉ែត្រ គុណ៩ម៉ែត្រ របស់ម្ចាស់ឈ្មោះ ចាន់ រ៉ា ហៅលន់ ភេទប្រុស អាយុ៤៩ឆ្នាំ មុខរបរ នគរបាល នៅភូមិភ្ញារជ័យ សង្កាត់ស្វាយដង្គ ក្រុងសៀមរាប ខេត្តសៀមរាប ដែលករណីអគ្គីភ័យឆេះនេះ គឺបណ្តាលមកពីការទុស្សេខ្សែភ្លើង បណ្ដាលឲ្យខូចខាតរួមមាន ផ្ទះខូចខាតអស់ទាំងស្រុង គ្រែឈើដាក់ពូក ដេក ចំនួន៣គ្រែ ,ទូរទស្សន៍ចំនួន ១គ្រឿង សម្លៀកបំពាក់ និង ទ្រព្យសម្បត្តិអស់មួយចំនួនទៀត សំណាងល្អពុំបណ្តាលឲ្យរាលដាលដល់ផ្ទះអ្នកជិតខាងតែមិនគ្រោះថ្នាក់ដល់មនុស្សឡើយ រហូតមកដល់ពេលនេះពុំទានសន្និដ្ឋានបានថាខូចខាតទ្រព្យសម្បត្តិអស់ប៉ុន្មាននោះទេ។
ក្រោយពេលកើតហេតុភ្លាមៗ កម្លាំងជំនាញបង្ការនិងពន្លត់អគ្គីភ័យ បានចេញជួយសង្គ្រោះ ដោយប្រើប្រាស់រថយន្តពន្លត់ អគ្គីភ័យ របស់ស្នងការនគរបាលខេត្ត ចំនួន ១ឡាន ហើយបាញ់ទឹកទើប រលត់ទៅវិញុ៕ ប៊ុនរិទ្ធី
