សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់បានបើកម៉ូតូXR បត់ឆ្លងផ្លូវមិនប្រយត្ន័ត្រូវម៉ូតូ១គ្រឿងទៀត បើកមកពីក្រោយបុកចំពាក់កណ្ដាលពេញទំហឹងបណ្ដាលឲ្យជួលបោកបែកក្បាលស្លាប់ភ្លាមៗនៅក្នុងថ្លុកឈាម
ហេតុការណ៍គ្រោះថ្នាក់ចរាចរណ៍នេះ បានកើតឡើងកាលពីវេលាម៉ោង៨និង១០នាទីយប់ ថ្ងៃទី១០ ខែសីហា ឆ្នាំ២០១៧ នៅតាមបណ្ដោយផ្លូវជាតិលេខ២ស្ថិតក្នុងភូមិក្រាំងស្វាយ សង្កាត់ព្រែកកំពិស ខណ្ឌដង្កោរាជធានី ។
សពជនរងគ្រោះមានឈ្មោះ សាំងសេង ហុង ភេទប្រុស អាយុ៣៥ឆ្នាំ មុខរបលក់សាច់គោ ស្នាក់នៅភូមិព្រែកតាពៅសង្កាត់ដើមមៀនក្រុងតាខ្មៅ ខេត្តកណ្ដាល ។
បើតាមសាក្សីនៅកន្លែងកើតបានឲ្យដឹងថា មុនពេលកើតហេតុជនរងគ្រោះបានជិះម៉ូតូ១គ្រឿងម៉ាកXRពណ៌សគ្មានស្លាកលេខទិសដៅពីកើតទៅលិច ខណៈមកដល់ចំណុចកើតហេតុខាងលើបានបត់ឆ្វេងបំណងឆ្លងផ្លូវ ក៏ត្រូវម៉ូតូ១គ្រឿងទៀត ម៉ាកស្គុបពីពណ៌សពាក់ស្លាកលេខ តាកែវ 1K-3024 បើកឌុបគ្នាមកពីក្រោយជ្រុលទៅបុកពេញទំហឹងបណ្ដាលឲ្យដួលបោកក្បាលស្លាប់ភ្លាមៗនៅនិងកន្លែងកើតហេតុ តែដោយសារតែក្រុមគ្រួសារមិនអស់ចិត្តក៏បាននាំគ្នាលើកជនរងគ្រោះដឹកតាមម៉ូតូយកទៅដល់មន្ទីរពេទ្យជ័យជំនះក្រុមគ្រួពេទ្យបានប្រាប់ថាជនរងគ្រោះ បានស្លាប់បាត់ទៅហើយទើបក្រុមគ្រួសារដឹកបន្តទៅផ្ទះ ។ ចំណែកភាគីខាងម៉ូតូស្គុបពីបានរងរបួសធ្ងន់ចំនួន២នាក់ត្រូវបានរថយន្តសង្គ្រោះដឹកយកទៅសង្គ្រោះនៅមន្ទីរពេទ្យភ្លាមៗផងដែរ រីឯម្នាក់ទៀតរងរបួសស្រាលបានរត់គេចខ្លួនបាត់ស្រមោល ។
ក្រោយពេលកើតហេតុសមត្ថកិច្ចមូលដ្ឋានបានចុះមកដល់កន្លែងកើតហេតុរួចទើបទាក់ទងទៅសមត្ថកិច្ចជំនាញចរាចរណ៍មកវាស់វែងយកម៉ូតូទាំងគ្រឿងទៅរក្សាទុកនៅការិយាល័យចរាចរណ៍រាជធានីភ្នំពេញរង់ចាំដោះស្រាយនៅពេលក្រោយ ៕ ភារ៉ា ដង្កោ
