សារព័ត៌មាន នគរវត្ត តែងតែនាំមុខគេជានិច្ច
ខេត្តតាកែវ៖ បុរសម្នាក់បានធ្វើអត្តឃាត ដោយចងកសម្លាប់ខ្លួន ព្រោះតូចតិចមានជំងឺរ៉ាំរ៉ៃប្រចាំកាយមើលពុំជា។
ករណីនេះកើតឡើងនៅថ្ងៃទី១៥ ខែសីហា ឆ្នាំ២០១៧ វេលាម៉ោង១០ និង១៥នាទីព្រឹក ស្ថិតនៅភូមិស្នោ ឃុំស្នោ ស្រុកព្រៃកប្បាស ខេត្តតាកែវ។
បើតាមសមត្ថកិច្ចស្រុកព្រៃកប្បាសបានឲ្យដឹងថា ជនរងគ្រោះខាងលើឈ្មោះ ជិន ទូច ភេទប្រុស អាយុ៤៥ឆ្នាំ រស់នៅភូមិ-ឃុំកើតហេតុខាងលើ។ ជនរងគ្រោះបានយកខ្សែនីឡុងពណ៌ខ្មៅ ប្រវែងប្រមាណ១២០សង្ទីម៉ែត្រ ចងកសម្លាប់ខ្លួននៅក្នុងបន្ទប់ទឹកក្រោយផ្ទះ ហើយកាលដែលជនរងគ្រោះចងកនេះ សង្ស័យតូចចិត្តដោយសារ ជំងឺរបេងរ៉ាំរៃជាច្រើនឆ្នាំ។
បច្ចុប្បន្នសាកសពជនរងគ្រោះខាងលើត្រូវបានក្រុមគ្រួសាររៀបចំធ្វើបុណ្យតាមប្រពៃណី៕ ភ្នំដា
