សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ យ៉ាងហោចណាស់ ក៏មានបុរសម្នាក់បានស្លាប់នៅកន្លែងកើតហេតុ និង២នាក់ទៀតរងរបួសធ្ងន់ ត្រូវបានរថយន្តសង្គ្រោះដឹកទៅមន្ទីរពេទ្យភ្លាមៗ ខណៈកំពុងជិះម៉ូតូហើយត្រូវរថយន្តកូរ៉េបើកបុកពីក្រោយពេញទំហឹងកាលពីវេលាម៉ោង១និង៣០នាទី រំលងអធ្រាត្រ ឈានចូលថ្ងៃទី២៣ ខែសីហា ឆ្នាំ២០១៧ នៅចំណុចមុចស្ថានីយប្រេងឥន្ទនះសំប្រាថ្នា តាមបណ្តោយផ្លូវជាតិលេខ៣ ស្ថិតក្នុងសង្កាត់ចោមចៅ ខណ្ឌពោធិ៍សែនេជ័យ។
ជនរងគ្រោះឈ្មោះ ឡូគិមឡេង ភេទប្រុសអាយុ២៤ ឆ្នាំមុខរបរព្រូឡាន ស្នាក់នៅសង្កាត់ចោមចៅ ខណ្ឌពោធិ៍សែនជ័យមានស្រុកកំណើតនៅខេត្តត្បូងឃ្មុំ។
តាមសាក្សីនៅកន្លែងកើតហេតុបានឲ្យដឹងថា នៅមុនពេលកើតហេតុគេបានឃើញម៉ូតូមួយគ្រឿងម៉ាកហុងដា ឌ្រឹមសង់ ស៊េរីឆ្នាំ០១៦ ពណ៌ខ្មៅពាក់ស្លាកលេខ ភ្នំពេញ 1W 7521 បើកបរដោយបុរសម្នាក់ និងរួមដំណើរដោយបុរស២នាក់ទៀតធ្វើណើរតាមបណ្តោយផ្លូវជាតិលេខ៣ ក្នុងទិសដៅពីជើងទៅត្បូង ខណៈមកដល់ចំណុចកើតហេតុស្រាប់តែមានរថយន្តប្រភេទកូរ៉េ មិនចាំស្លាកលេខធ្វើដំណើរតាមស្របទិសគ្នាមកពីក្រោយក្នុងល្បឿនលឿន ក៏មកបុកពេញទំហឹងបណ្តាលឲ្យអ្នកជិះម៉ូតូដួលទៅ និងថ្នល់ស្លាប់ម្នាក់ និងរបួសធ្ងន់២នាក់ ហើយរថយន្តបង្កបានបើកគេចខ្លួនបាត់តែម្តង។
ក្រោយពេលកើតហេតុជនរងគ្រោះរថយន្ត បានរថយន្តសង្គ្រោះដឹកទៅមន្ទីរពេទ្យភ្លាមៗចំណែកសពត្រូវបានសមត្ថកិច្ចប្រគល់ទៅឲ្យក្រុមគ្រួសារយកទៅធ្វើបុណ្យតាមប្រពៃណីនៅឯស្រុកកំណើត៕ សុខាសែនជ័យ
