សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ យុវជនម្នាក់ស្រវឹងស្រាជោកជិះម៉ូតូបញ្ច្រាសទិសដៅចរាចរណ៍ក្នុងល្បឿនលឿន មិនប្រុងប្រយ័ត្ន ក៏ជ្រុលទៅបុករថយន្តហាយឡែនឌ័របណ្ដាលឲ្យរងរបួសបែកមុខបែកមាត់ ចំណែករថយន្តខូចខាតបែកស្តុបនិងកាង ។
ហេតុការណ៍នេះបានកើតឡើងកាលពីវេលាម៉ោង៩និង៥០នាទីយប់ ថ្ងៃទី២២ ខែសីហា ឆ្នាំ២០១៧ នៅតាមបណ្ដោយផ្លូវ២៧១ កែងនឹងផ្លូវ៤៨០ ស្ថិតនៅសង្កាត់ផ្សាដើមថ្កូវ ខណ្ឌចំការមន រាជធានីភ្នំពេញ ។
ប្រភពព័ត៌មាននៅកន្លែងកើតហេតុបានឲ្យដឹងថា នៅមុនពេលកើតហេតុគេឃើញរថយន្តមួយគ្រឿងម៉ាកហាយឡែនឌ័រ ពណ៌ស ពាក់ស្លាកលេខ ភ្នំពេញ 2AL-2257 បើកបរដោយស្ត្រីម្នាក់រួមដំណើរដោយស្ត្រី ២នាក់ផ្សេងទៀតធ្វើដំណើរតាមបណ្ដោយផ្លូវ២៧១ទិសដៅពីជើងទៅត្បូងខណ្ឌមកដល់ ចំណុចកើតហេតុរថយន្តបានបត់ឆ្វេងបំណងត្រឡប់ក្រោយតែទើបបត់បានបន្តិចក៏មាន យុវជនម្នាក់ជិះម៉ូតូមួយគ្រឿងម៉ាក់MD ពណ៌ក្រហមពាក់ស្លាកលេខ ភ្នំពេញ 1CG-8640 បើកយ៉ាងលឿនបញ្ច្រាសទិសដៅចរាចរណ៍បំណងឆ្លងផ្លូវតែមិនប្រយត្ន័ក៏បានជ្រុលទៅរថយន្តចំចំហៀង ក្រោយខាងឆ្វេងបណ្ដាលឲ្យបែកស្តុបនិងកាងក្រោយ ចំណែកម៉ូតូរងការខូចខាតបន្តិចបន្តួច រីឯយុវ ជននោះរបួសបែកមុខបែកមាត់និយាយមិនដឹងមុខក្រោយ ភ្លាមៗសមត្ថកិច្ចមូលដ្ឋានបានមកដល់ហើយឲ្យភាគីទាំង២ចរចាគ្នាតែដោយសារខាងម្ចាស់រថយន្តមិនចង់មានគាត់មិនទាមទាអ្វីនោះគីគាត់សុខចិត្តស្មើគ្នា ។
បន្ទាប់មកម្ចាស់រថយន្តដោយមើលឃើញយុវជនខាងលើមានរបួសបែកមុខមាត់មានចិត្តអាណិត ក៏បានឲ្យលុយចំនួន២០ដុល្លារ ឲ្យយកទៅលាងរបួស និងឲ្យលេខទូរសព្ទ័ទៅយុវជនោះហើយនិយាយថា មានរឿងអីតេទៅគាត់នឹងជួយរួចក៏បានឡើងបើករថយន្តទៅបាត់ទៅ នេះពិតមានចិត្តធម៌មែន ៕ ភារ៉ា ដង្កោ
