សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ប៉ូលិសតម្រួតបទបញ្ជាម្នាក់បានស្លាប់នៅកន្លែងកើតហេតុ និងម្នាក់ទៀតរបួសស្រាលខណះកំពុងឈប់ចាំស្តុបហើយត្រូវរថយន្ដម៉ាកហ៊ីយ៉ាន់ដាយបើកមកបុកពីក្រោយរួចអូសជាង១០ម៉ែត្រ កាលពីវេលា ម៉ោង៧ និង៣០នាទីយប់ ថ្ងៃទី៣០ ខែសីហា ឆ្នាំ២០១៧ ចំណុចស្ដុបកប់ស្រូវ ផ្លូវជាតិលេខ៤ កែងផ្លូវអូឌឹមកប់ស្រូវ សង្កាត់ ចោមចៅ ខណ្ឌពោធិ៍សែនជ័យ។
ជនរងគ្រោះមានឈ្មោះ ហង្ស សុធី អាយុ៤០ឆ្នាំ មុខរបរជាតម្រួតបទបញ្ជា ស្នាក់នៅក្នុងបន្ទាយ ។ចំណែកម្ចាស់រថយនមតបង្កឈ្មោះចាន់ អេងស្រូន ភេទប្រុស អាយុ២៥ឆ្នាំ មុខរបបើករថយន្តដឹកកន្ទួក មានស្រុកកំណើតនៅភូមិផ្អាវ ឃុំផ្អាវ ស្រុកបាធាយ ខេត្តកំពង់ចាម ។
បើតាមសម្ដីជនបង្កបើករថយន្ដបង្កនោះបានប្រាប់ឲ្យដឹងថា មុនពេលកើតហេតុរថយន្ដរបស់គាត់ម៉ាកហ៊ីយ៉ាន់ដាយ ពណ៌ស ដែលពាក់ស្លាកលេខ ព្រះសីហនុ 3A-376 5 ដឹកកន្ទួក មកពីខេត្តកំពង់ចាម បំណងយកទៅដាក់នៅរោងម៉ាសីុនៅកំបូល ដែលបើកបរតាមបណ្តោយផ្លូវអូឌឹម កប់ស្រូវ ក្នុងទិសដៅពីជើងទៅត្បូងលុះមកដល់ចំណុចស្ដុបបំបែកជាបួន រថយន្ដបំណងបត់ទៅខាងស្ដាំតែហ្វ្រាំងមិនស៊ី ជ្រុលទៅបុកគូទម៉ូតូមួយគ្រឿង ម៉ាកហុងដា ឌ្រីម ពណ៌ខ្មៅ ដែលពាក់ស្លាកលេខ ភ្នំពេញ 1FB-7999 ដែលបើកបរ ដោយបុរស២នាក់ ទិសដៅស្របគ្នា ខណៈឈប់ចាំស្តុបក្រហម បណ្តាលឲ្យអូសជាង១០ម៉ែត្រ និងកិនបណ្តាលឲ្យស្លាប់ម្នាក់របួសស្រាលម្នាក់។
ចំណែកតៃកុងរថយន្ដត្រូវបានសមត្ថកិច្ចចាប់ខ្លួនបានភ្លាមៗ និងកន្លែងកើតហេតុ រួចបញ្ជូន ទៅប៉ុស្ដិ៍នគរបាលរដ្ឋចោមចៅដើម្បីសាកសួរបន្ដ និងសហការជាមួយជំនាញចរាចរណ៍រាជធានី វាស់វែងយករថយន្តបង្ក និងម៉ូតូទៅរក្សាទុកនៅការិយាល័យចរាចរាចរណ៍ជើងគោករាជធានីរង់ចាំដោះស្រាយតាមច្បាប់ ដោយឡែកសាកសពត្រូវបាន សមត្ថកិច្ចជំនាញប្រគល់ជូនក្រុមគ្រួសារយកទៅធ្វើបុណ្យតាមប្រពៃណីនៅឯស្រុកកំណើត ៕ សុខាសែនជ័យ
