ចាប់ខ្លួនជនជាតិអូស្ត្រាលីម្នាក់ ជាមួយថ្នាំញៀនទម្ងន់៤០,៨៥ក្រាម

ខេត្តព្រះសីហនុ៖ នៅយប់ថ្ងៃទី៤ ខែកញ្ញា ឆ្នាំ២០១៧ កន្លងទៅនេះ នគរបាលប្រឆាំងគ្រឿងញៀន ខេត្ត សហការជាមួយកម្លាំងអធិការនគរបាលក្រុងព្រះសីហនុ ចាប់ខ្លួនជនបរទេសសញ្ជាតិអូស្ត្រាលីម្នាក់ លក់គ្រឿងញៀន និង ដកហូតបានថ្នាំញៀនញៀន មេតំហ្វេតាមីន១កញ្ចប់ ទម្ងន់៤០,៨៥ ក្រាម ជញ្ជីងថ្លឹង១ ដបសម្រាប់ជក់ថ្នាំញៀន១។

លោកវរសេនីយ៍ត្រីសួស សីលា នាយការិយាល័យនគរបាល ប្រឆាំងគ្រឿងញៀនបានឲ្យដឹងថា៖ មុខសញ្ញានេះឈ្មោះDino Rossetto ភេទប្រុស អាយុ៥០ឆ្នាំ សញ្ជាតិអូស្ត្រាលី បច្ចុប្បន្នជួលផ្ទះ នៅក្រុមទី ២៦ ភូមិ៣ សង្កាត់លេខ៣ ក្រុង,ខេត្តព្រះសីហនុ។

លោកសួស សីលា បានបញ្ជាក់ថា៖ ក្នុងកិច្ចប្រតិបត្តិការបង្ក្រាបគ្រឿងញៀននេះ ក្រោមការបញ្ជាណែនាំពី លោកឧត្តមសេនីយ៍ ស្នងការនគរបាលខេត្តព្រះសីហនុ ដោយយេីងបានតាមដាន រយៈពេលយូរ ហេីយប្រេីប្រាស់វិធានញុះញង់ អោយមុខសញ្ញា បញ្ចេញថ្នាំញៀន មកលក់ ហេីយក្រសោបចាប់តែម្តង បច្ជុប្បន្នសមត្តកិច្ចកំពុងកសាងសំណុំរឿងបញ្ជូនទៅសាលាដំបូងខេត្ត៕ ឆ្លាម សមុទ្រ