សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ យុវជនប្រុសស្រី២ក្រុមបានស្រែកឌឺដងគ្នារឿងបើកម៉ូតូរោទិ៍បានដេញកាប់គ្នាដូចហ្វូងគោបណ្តាលឲ្យរងរបួសធ្ងន់ម្នាក់និងរងរបួសស្រាល៥នាក់។
ហេតុការណ៍នេះបង្កឲ្យមានការភ្ញាក់ផ្អើលកាលវេលាម៉ោង៨យប់ ថ្ងៃទី១០ ខែកញ្ញា ឆ្នាំ២០១៧ នៅដីឡូជិតបន្ទប់ជួលភូមិទួលពង្រសង្កាត់ចោមចៅខណ្ឌពោធិ៍សែនជ័យ។
ភាគីអង្គុយផឹករបួស៣នាក់ទី១-ឈ្មោះ ហ៊ុល ថាភេទប្រុសអាយុ ២៦ឆ្នាំ មុខរបររោងចក្រស្នាក់នៅភូមិទួលពង្រ សង្កាត់ចោមចៅ ខណ្ឌពោធិ៍សែនជ័យ មានស្រុកកំណើតនៅស្រុក កោះតាជោ ខេត្តកណ្តាល ។
ទី២-ឈ្មោះហ៊ុល ស្រីនាង ភេទស្រី អាយុ៣១ឆ្នាំ មុខរបរកម្មករោងចក្រ (ត្រូវជាបង)និងម្នាក់ទៀត ឈ្មោះ ហ៊ុល លី ភេទស្រី អាយុ៥៦ឆ្នាំ មុខរបរនៅផ្ទះ(ត្រូវជាម្តាយ)អ្នកទាំងអស់ស្នាក់នៅភូមិកើតហេតុខាងលើ។
ចំណែកឯភាគីខាងជិះម៉ូតូរបួស៣នាក់ ទី១-ឈ្មោះ ម៉ុន សេង ក្រង់ ១៨ឆ្នាំ មុខរបរ ជាងបៀកថ្នាំ(ជាអ្នកជិះម៉ូតូ)ស្នាក់នៅ ភូមិកើតហេតុខាងលើ មានស្រុកកំណើតនៅស្រុករមាសហែក ខេត្តស្វាយរៀង ទី២-ឈ្មោះម៉ុន ប្រាជ្ញា២៧ឆ្នាំ បៀកថ្នាំ ស្នាក់នៅភូមិកើតហេតុខាងលើ មានស្រុកកំណើតជាមួយគ្នា និងទី៣-ឈ្មោះម៉ុន ចាន់ណារ៉ា ភេទប្រុស អាយុ២១ឆ្នាំ មុខរបរកម្មករសំណង់ ស្នាក់នៅភូមិកើតខាងលើ មានស្រុកកំណើតនៅភូមិស្រុករមាសហែក ខេត្តស្វាយរៀង។
តាមប្រភពព័ត៌មានពីភាគីពីឈ្មោះម៉ុន សេងក្រង ដែលជានាក់ជិះម៉ូតូបាននិយាយថា នៅមុនពេលកើតហេតុរូបគាត់បានអង្គុយផឹកសុីនៅដីឡូត៍ខាងលើដោយមានគ្នា១១នាក់បានផឹកសុីអស់ស្រាមួយកេះ។
បន្ទាប់មករូបគាត់បានជិះម៉ូតូទៅទិញស្រាថែមទៀត លុះបើកមកដល់មុខប្រមាណ៥០ម៉ែត្រមកដល់កន្លែងបក្ខពួកមួយក្រុមទៀត ដែលកំពុងផឹកសុី៦នាក់ក្នុងនោះមានស្រី៤នាក់ និងប្រុស២នាក់ ហើយជិះកាត់មុខ ហើយអ្នកកំពុងផឹកស៊ីបានស្រែកថា ហែងជិះម៉ូតូរោទិ៍ឌឺម៉េះ? ហើយរូបគាត់ឆ្លើយតបថា ខ្ញុំមានឌឺឯណាបង ខ្ញុំជិះធម្មតាតាស ពេលនេះភាគីខាងផឹកសុីដើរមកកាន់គាត់ហើយវាយទៅលើរូបគាត់បណ្តាលឲ្យរងរបួសស្រាល។
ក្រោយមកទៀត បងប្រុសរបស់គាត់ ឈ្មោះម៉ុន ប្រាជ្ញាបានមកសួរថា នរណាវាយប្អូនអញស្រាប់តែភាគីជនបង្កខាងលើយកកាំបិតបុ័ងតោមកកាប់បងរបស់គាត់ត្រូវជាច្រើនកាំបិត នឹងរងរបួសយ៉ាងធ្ងន់ហើយថែមទាំងកាប់ម៉ូតូរបស់គាត់បណ្តលឲ្យខូចមួយចំនួន។ ចំណែកឈ្មោះ ម៉ុន ចាន់ណារ៉ា ត្រូវជាបងប្អូនជីដូនមួយបានឈរក្បែត្រូវគេវាយបណ្តាលឲ្យរបួសស្រាល។
ក្រោយពីកើតហេតុគេឃើញកម្លាំងនគរបាលមូលដ្ឋានចុះទៅកន្លែងកើតហេតុដើម្បីសាកសួរព្រមទាំងឃាត់ខ្លួនជនដៃដល់យកមកប៉ុស្តិ៍កសាងសំណុំរឿងបញ្ជូនទៅកាន់អធិការខណ្ឌពោធិ៍សែនជ័យចាត់ការបន្ត ៕ សុខាសែនជ័យ
