បើករថយន្តគេចរ៉ឺម៉ករួចជ្រុលចង្កូតទៅបុកខឿនពុះចែកទ្រូងផ្លូវនិងបាក់បង្គោលដែកផ្សាយពាណិជ្ជកម្ម

ខេត្តកំពង់ចាម៖ កាលពីវេលាម៉ោង៤ និង២០នាទីទៀបភ្លឺ ថ្ងៃទី២២ ខែកញ្ញា ឆ្នាំ ២០១៧ នៅចំណុចផ្លូវបំបែកស្តុបលំហែ ស្ថិតក្នុងភូមិបឹងស្នាយ ឃុំសំបួរមាស ក្រុង កំពង់ចាម ខេត្តកំពង់ចាម មានរថយន្ត ១គ្រឿងម៉ាកហ៊ីយ៉ាន់ដាយពណ៌ស ពាក់ ស្លាកលេខភ្នំពេញ3C-7415 បើកបរ ដោយឈ្មោះ វ៉េង ម៉េងស៊្រុន ភេទប្រុស អាយុ៣២ឆ្នាំ រស់នៅភូមិទួលតាកោ ឃុំជ្រៃ វៀន ស្រុកព្រៃឈរ ខេត្តកំពង់ចាម។

ប្រភពព័ត៌មានបានឲ្យដឹងថា មុនពេល កើតហេតុគេឃើញរថយន្តមួយគ្រឿងបើក បរក្នុងទិសដៅពីលិចទៅកើតបានគេចពី

រ៉ឺម៉កម៉ូតូ១គ្រឿងក្នុងទិសដៅស្របគ្នាហើយក៏បានជ្រុលចង្កូតឡើងខឿនពុះចែកទ្រូងផ្លូវ បណ្តាលឲ្យបាក់ដើមផ្កា៤ដើមនិងបាក់បង្កោលដែកផ្សាយពាណិជ្ជកម្ម១ដើម ព្រមទាំងបែក ខឿនថ្ម៣កន្លែង។ ក្នុងករណីនេះពុំមាន គ្រោះថ្នាក់ដល់មនុស្សឡើយ។

ក្រោយកើតហេតុរថយន្តត្រូវបានកម្លាំងជំនាញរបស់អធិការដ្ឋាននគរបាលក្រុងកំពង់ចាមយកទៅរក្សាទុកដើម្បីដោះស្រាយតាមនីតិវិធីនៅពេលក្រោយ៕ សហការី