សារព័ត៌មាន នគរវត្ត តែងតែនាំមុខគេជានិច្ច
ខេត្តបាត់ដំបង ៖ តាមប្រភពសមត្ថកិច្ចប៉ូលីសបានឲ្យដឹងថា យ៉ាងហោចណាស់មនុស្សម្នាក់បានស្លាប់ និង៣នាក់ទៀតរងរបួសធ្ងន់ នៅក្នុងឧបទ្ទវហេតុគ្រោះថ្នាក់ចរាចរណ៍ដ៏រន្ធត់មួយរវាងរថយន្ត និងម៉ូតូ នារសៀល ថ្ងៃទី០៦ វិច្ឆិកា ឆ្នាំ២០១៧ នៅលើផ្លូវជាតិលេខ៥ ត្រង់ចំណុចភូមិថ្នល់បត់ ឃុំឫស្សីក្រាំង ស្រុកមោងឫស្សី ដែលបង្កដោយរថយន្តពាក់ស្លាកលេខខេមរភូមិន្ទ។
សេចក្ដីរាយការណ៍បានឲ្យដឹងទៀតថា រថយន្តម៉ាកកាមរីឆ្លាម ពណ៌ស្ករពាក់ស្លាកលេខ ០២-៤៧៣៨ អ្នកបើកបរបានរត់គេចខ្លួន។ រថយន្តបានបុកអ្នកជិះម៉ូតូដែលឌុបគ្នា៤នាក់ទាំងកំរោលពេលដែលអ្នកជិះម៉ូតូព្យាយាមជិះបត់ឆ្វេងឆ្លងថ្នល់ ក៏ត្រូវរថយន្តបុកពេញទំហឹងតែម្ដង។
ជនរងគ្រោះទាំង៤នាក់មាន ១-ឈ្មោះ គឿន រ័ត្ន ភេទស្រី អាយុ៣៧ឆ្នាំ ស្លាប់ ២-ឈ្មោះ ជ័យ ជា ភេទស្រី អាយុ១១ឆ្នាំ របួសធ្ងន់ ៣-ឈ្មោះ ស៊ុន ណែត ភេទស្រី អាយុ១៨ឆ្នាំ របួសធ្ងន់ និង៤-ឈ្មោះ ស៊ុន លីតា ភេទស្រីអាយុ៤ឆ្នាំ របួសធ្ងន់។ ទាំង៤នាក់រស់នៅភូមិនិគមន៍ ឃុំស្វាយដូនកែវ ស្រុកបាកាន។
បើតាមសមត្ថកិច្ចបានបញ្ជាក់ថា ម្ចាស់រថយន្តដែលពាក់ស្លាកលេខខេមរភូមិន្ទនេះ បានរត់គេចខ្លួនចោលរថយន្ត៕
