សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរស២នាក់ត្រូវបានកម្លាំងសមត្ថកិច្ចនគរបាលស្ទឹងមានជ័យ សហការនឹងកម្លាំងជំនាញខណ្ឌមានជ័យល្បាតពួនស្ទាក់ចាប់ឃាត់ខ្លួនកាលពីវេលាម៉ោង៨និង៣៥នាទីយប់ ថ្ងៃទី៧ ខែវិចិ្ឆកា ឆ្នាំ២០១៧ នៅចំណុចផ្ទះជួលគ្មានលេខ ផ្លូវលំ ភូមិព្រែកទាល់ សង្កាត់ស្ទឹងមានជ័យ២ ខណ្ឌមានជ័យ។
ជនសង្ស័យទី១/ឈ្មោះ ចាយ សុភ័ត្រ្តា អាយុ៣៤ឆ្នាំ និងទី២/ឈ្មោះ វង់ សុខលីន អាយុ៤០ឆ្នាំ មានទីលំនៅភូមិព្រែកទាល់ ផ្លូវលំ ភូមិដំណាក់ធំ២ សង្កាត់ស្ទឹងមានជ័យ ខណ្ឌមានជ័យ។ ក្នុងសមត្ថកិច្ចបានដកហូតម្សៅក្រាមសថ្លា២កញ្ចប់ថង់តូច និងសំបកថង់មួយចំនួន ឧបករណ៍ប្រើប្រាស់ផងដែរ។
បច្ចុប្បន្នជនសង្ស័យខាងលើបានបញ្ជូនទៅឃុំខ្លួន និងសាកសួរនាំបន្តទៅតាមនីតិវីធីនៅអធិការដ្ឋាននគរបាលខណ្ឌមានជ័យ៕ តាឡឹម
