សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បន្ទាប់ពីមានក្រុមជនសង្ស័យបានធ្វើសកម្មភាពប្រើអាវុធភ្ជង់ប្លន់យក ម៉ូតូពីជនរងគ្រោះនិងមានករណីគាស់ផ្ទះយកម៉ូតូកាលពីយប់ថ្ងៃទី៩ ខែវិច្ឆិកា រួចមក កម្លាំងនគរបាលព្រហ្មទណ្ឌខណ្ឌសែនសុខ សហការជាមួយកម្លាំងនគរបាលប៉ុស្តិ៍រដ្ឋបាលទឹកថ្លាបានឃាត់ខ្លួនក្រុមជនសង្ស័យបានជាបន្តបន្ទាប់កាលពីម៉ោង១១ព្រឹក ថ្ងៃទី១០ ខែវិច្ឆិកា ឆ្នាំ២០១៧ នៅទីតាំង ទី១ ចំណុចបន្ទប់ជួលផ្លូវលំភូមិផ្សារទឹកថ្លា សង្កាត់ទឹកថ្លា ខណ្ឌសែនសុខ និងទីតាំង ទី២នៅភូមិគោកចំបក់ សង្កាត់កាកាប៣ ខណ្ឌពោធិ៍សែនជ័យ ។
មន្រ្តីនគរបាលបានប្រាប់ឲ្យដឹងថា ជន សង្ស័យទាំង៥នាក់នោះទី១-ឈ្មោះ សឿង សុបិន្ត ភេទប្រុស អាយុ២៧ឆ្នាំ មុខរបរមិនពិតប្រាកដ ស្នាក់នៅផ្លូវលំភូមិផ្សារទឹកថ្លា សង្កាត់ទឹកថ្លា ខណ្ឌសែនសុខ ទី២-ឈ្មោះ វ៉ា បូរិន ហៅពេជ្រ ភេទប្រុស អាយុ២៧ឆ្នាំ មុខរបរមិនពិតប្រាកដ ស្នាក់នៅផ្លូវលំភូមិផ្សារទឹកថ្លា សង្កាត់ទឹកថ្លា ខណ្ឌសែនសុខ ទី៣-ឈ្មោះ ហេង លាងហុង ភេទស្រី អាយុ២២ឆ្នាំ មុខរបរមិនពិតប្រាកដស្នាក់នៅផ្លូវលំភូមិផ្សារទឹកថ្លា សង្កាត់ទឹកថ្លា ខណ្ឌសែនសុខ(ទាំង៣នាក់នេះឃាត់នៅក្នុងសង្កាត់ទឹកថ្លាដកហូតបានដែកឆ្នៃកាច់កម៉ូតូមួយចំនួននិងម៉ូតូស្គូពី១គ្រឿងគ្មានស្លាកលេខ) ទី៤-ឈ្មោះ ជា កុយ ភេទប្រុស អាយុ៣៥ឆ្នាំ មុខរបរមិនពិតប្រាកដស្នាក់នៅចំណុចបន្ទប់ជួលលេខ២២ភូមិគោកចំបក់ សង្កាត់កាកាប៣ ខណ្ឌពោធិ៍សែនជ័យ និងទី៥-ឈ្មោះ ឆន ណារិទ្ធិ ភេទប្រុស អាយុ២០ឆ្នាំ មុខរបរមិនពិតប្រាកដ ស្នាក់នៅចំណុចបន្ទប់ជួលលេខ ២២ ភូមិគោកចំបក់ សង្កាត់កាកាប៣ ខណ្ឌពោធិ៍សែនជ័យ (ដកហូតបានម៉ូតូ ២គ្រឿងម៉ាកហុងដា សេ១២៥ សេ៊រីឆ្នាំ២០១៥ មួយគ្រឿងនិងម៉ូតូវីវ៉ា ពណ៌ខ្មៅ១គ្រឿង) ។
មន្រ្តីដដែលបានបន្តទៀតថា មុនឈានទៅឃាត់ក្រុមជនសង្ស័យទាំង៥នាក់ខាងលើនេះ គឺកាលពីព្រឹកថ្ងៃទី៩ ខែវិច្ឆិកា ឆ្នាំ២០១៧ សមត្ថកិច្ចបានទទួលពាក្យបណ្តឹងពី យុវជនម្នាក់ឈ្មោះ អ៊ាប រដ្ឋា អាយុ២១ឆ្នាំ មុខរបរនិស្សិតស្នាក់នៅបន្ទប់ជួលភូមិចុងថ្នល់ខាងកើត សង្កាត់ទឹកថ្លា ខណ្ឌសែនសុខថា មានចោរមួយក្រុមបានគាស់សោបន្ទប់ចូលលួចយកម៉ូតូ១គ្រឿងម៉ាកហុងដា សេ១២៥ សេ៊រីឆ្នាំ២០០៨ ឡើងតែមឆ្នាំ២០១០ ពាក់ស្លាកលេខតាកែវ 1C-8497 ។ បន្ទាប់មកសមត្ថកិច្ច បានស្រាវជ្រាវតាម រយៈកាមេរ៉ាសុវត្ថិភាពទើបកំណត់មុខសញ្ញាបាន ហើយលុះដល់ថ្ងៃទី១០ ខែវិច្ឆិកា ឆ្នាំ២០១៧ វេលាម៉ោ១១និង១០នាទីព្រឹកកម្លាំងសមត្ថកិច្ចបាន សហការគ្នាចុះបង្ក្រាប២គោលដៅខាង លើដោយឃាត់ខ្លួនបានជនសង្ស័យប្រុសស្រី៥នាក់។ ក្នុងនោះកម្លាំងបានដកហូតសម្ភារៈល្មើសមួយចំនួននិងម៉ូតូ៣គ្រឿងដោយឡែកម៉ូតូជនរងគ្រោះដែលពួកគេ លួចយកទៅនោះត្រូវក្រុមសង្ស័យឲ្យបក្ខ ពួកម្នាក់ទៀតយកទៅលក់បាត់ហើយ ។
បច្ចុប្បន្នក្រុមជនសង្ស័យទាំង៥នាក់ ត្រូវបានឃុំខ្លួនបណ្ដោះអាសន្ននៅអធិការដ្ឋាននគរបាលខណ្ឌសែនសុខដើម្បី កសាងសំណុំរឿងបញ្ជូនទៅតុលាការចាត់ការតាមច្បាប់ ។
ក្នុងប្រតិបត្តិការនោះដែរសមត្ថកិច្ចក៏ បានអំពាវនាវដល់បងប្អូនប្រជាពលរដ្ឋដែលបានបាត់ ម៉ូតូសូមយកឯកសារមក ផ្ទៀងផ្ទាត់នៅអធិការដ្ឋាននគរបាលខណ្ឌសែនសុខបើឯកសារត្រឹមត្រូវសមត្ថកិច្ចនិង ប្រគល់ម៉ូតូនោះជូនបងប្អូនយកទៅប្រើ ប្រាស់វិញ ៕ តុង សីហា
