សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ កម្លាំងប៉ុស្តិ៍នគរបាលរដ្ឋបាលផ្សារកណ្តាលទី១ នៃអធិការដ្ឋាននគរបាលខណ្ឌដូនពេញបានឃាត់ខ្លួននារីសង្ស័យម្នាក់ ពីបទ លួចទូរស័ព្ទដៃ កាលពីថ្ងៃទី១៣ ខែវិច្ឆិកា ឆ្នាំ២០១៧ នៅវេលាម៉ោង៨យប់ នៅចំណុចក្នុងតូបលេខ៣អ៊ុតសក់ ទីរួមផ្សារកណ្តាលផ្លូវលេខ១៣ ភូមិទី៥ សង្កាត់ផ្សារកណ្តាលទី១ ខណ្ឌដូនពេញ ។
ជនសង្ស័យ ឈ្មោះ ង្វៀង យ៉ាងវ៉ាន់ ហៅជីវ័ន្ត ភេទស្រី អាយុ២១ឆ្នាំ ជនជាតិវៀតណាម មុខរបរមិនប្រាកដ មានទីលំនៅផ្ទះជួលម្តុំផ្សារច្បារអំពៅ សង្កាត់ផ្សារច្បារអំពៅ ខណ្ឌច្បារអំពៅ រាជធានីភ្នំពេញ។
វត្ថុតាងចាប់យកបានមានទូរស័ព្ទដៃមួយគ្រឿងម៉ាកអាយហ្វូន៨ផ្លើសពណ៌ខ្មៅ ស៊ីមកាតលេខ ០១៥ ៧៩៥ ៩៥៨ ត្រូវបានប្រគល់ជូនជនរងគ្រោះវិញ។ ជនរងគ្រោះឈ្មោះ ហាញ់ សារឿន ភេទស្រី អាយុ៣៥ឆ្នាំ ជនជាតិខ្មែរមុខរបរអ៊ុតសក់មានទីលំនៅផ្ទះលេខ៩អឺ ផ្លូវលេខ៥ សង្កាត់ផ្សារកណ្តាលទី១ ខណ្ឌដូនពេញ រាជធានីភ្នំពេញ។ បច្ចុប្បន្នជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌដូនពេញដើម្បីកសាងសំណុំរឿងតាមនិតិវិធី ៕ស តារា
