សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ បុរសម្នាក់រងរបួសមធ្យមក្នុងករណីគ្រោះថ្នាក់ចរាចរណ៌មួយកើតឡើង ដោយសាររថយន្តបើកបុកក្នុងទិសដៅបញ្រ្ចាសគ្នា នៅវេលាម៉ោង០៤និង០០នាទី ថ្ងៃទី១៧ ខែវិច្ឆិកា ឆ្នាំ២០១៧ នៅលើផ្លូវជាតិលេខ៤ ត្រង់ចំណុចផ្លូវចូលសង្កាត់លេខ១ ស្ថិតនៅក្នុងភូមិ២ សង្កាត់លេខ១ ក្រុងព្រះសីហនុ ខេត្តព្រះសីហនុ។
តាមប្រភពព័ត៌មានពីកន្លែងកើតហេតុបានឲ្យដឹងថា ករណីគ្រោះថ្នាក់ចរាចរណ៍នេះកើតឡើង រវាង រថយន្តក្រឡុកស៊ីម៉ងត៍មួយគ្រឿង ពណ៌ ស ពាក់ស្លាកលេខភ្នំពេញ 5A-0354 មានទិសដៅពីបិតត្រាង ឆ្ពោះមក កន្លែងលាយស៊ីម៉ងត៍ លុះដល់ចំណុចខាងលើក៏បានបត់ឆ្វេងឆ្លងកាត់ផ្លូវចូលក្នុងកន្លែងលាយស៊ីម៉ងត៍រួចបានជ្រុលចង្កូតបុកនឹងម៉ូតូមួយគ្រឿងម៉ាក HONDA C125 ពណ៌ខ្មៅ ពាក់ស្លាកលេខព្រះសីហនុ1D-7759 អ្នកបើកបរឈ្មោះ អ៉ិត មករា ភេទ ប្រុស អាយុ ២៤ឆ្នាំ មុខរបរអ្នកនាំភ្ញៀវទេសចរ មានទីលំនៅភូមិ៤ សង្កាត់លេខ៤ ក្រុងព្រះសីហនុ ខេត្តព្រះសីហនុ ដែលមានទិសដៅផ្ទុយគ្នា។
ប្រភពដដែលបានបន្តទៀតថា គ្រោះថ្នាក់នេះបណ្ដាលឲ្យរងរបួសមធ្យមនាក់អ្នកបើកបរម៉ូតូ បានបញ្ជូនទៅសង្គ្រោះនៅគ្លីនិកមិត្តភាព 888។
ចំណែកអ្នកបើកបររថយន្តរត់គេចខ្លួនបាត់ក្រោយពេលកើតហេតុ។
រីឯវត្ថតាង រថយន្ត និង ម៉ូតូត្រូវបានសមត្ថកិច្ចយកមករក្សាទុកនៅការិយាល័យនគរបាលចរាចរណ៍ផ្លូវគោករង់ចាំការដោះស្រាយទៅតាមផ្លូវច្បាប់៕ ឆ្លាម សមុទ្រ
