សារព័ត៌មាន នគរវត្ត តែងតែនាំមុខគេជានិច្ច
ខេត្តតាកែវៈ កូនអកតញ្ញូម្នាក់ ត្រូវបានកម្លាំងអធិការដ្ឋាននគរបាលស្រុកត្រាំកក់ ឃាត់ខ្លួនតាមពាក្យបណ្តឹងរបស់ឪពុកម្តាយ បន្ទាប់ពីបានយកដាវដេញកាប់ឪពុកម្តាយ និងវាយបំផ្លាញទ្រព្យសម្បត្តិក្នុងផ្ទះ ដែលហេតុការណ៍នេះ កើតឡើង នាព្រឹកថ្ងៃទី១៨ ខែវិច្ឆិកា ឆ្នាំ២០១៧ នៅចំណុចភូមិធ្យា ឃុំលាយបូរ ស្រុកត្រាំកក់ ខេត្តតាកែវ ។
សមត្ថកិច្ចស្រុកត្រាំកក់ បានឲ្យដឹងថា ជនសង្ស័យដែលឃាត់ខ្លួនឈ្មោះ ប៊ិន ខឿនសុជាតិ ភេទប្រុស អាយុ១៩ឆ្នាំ មានទីលំនៅភូមិ-ឃុំខាងលើ។សមត្ថកិច្ចដដែលបានឲ្យដឹងទៀតថា មុនពេលចាប់ខ្លួន ជនសង្ស័យរូបនេះ បានធ្វើសកម្មភាពប្រដាប់ដោយដាវ ដេញកាប់ឪពុកម្ដាយរបស់ខ្លួន និងបានវាយបំផ្លាញម៉ូតូ ព្រមទាំងសម្ភារក្នុងផ្ទះជាច្រើនទៀត តែពុំមានបណ្តាលឲ្យនរណាម្នាក់រងរបួសនោះទេដោយសារជនសង្ស័យជាមនុស្សញៀនថ្នាំ និងបានបង្កហិង្សាផ្ទួនៗ ក្នុងគ្រួសារ ទើបឪពុកម្តាយ សម្រេចចិត្តមកដាក់ពាក្យបណ្តឹងឲ្សសមត្ថកិច្ចឃាត់ខ្លួនជននេះតែម្តង។
បច្ចុប្បន្ន ជនសង្ស័យ ត្រូវបានកម្លាំងជំនាញសាកសួរ និងកសាងសំណុំរឿង ចាត់ការតាមនីតិវិធី៕ ភ្នំដា
