សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ នៅព្រឹកថ្ងៃទី ១៩ វិច្ឆិកា ឆ្នាំ២០១៧ បន្ទាប់ពីបានសំណេះសំណាល និងសួរសុខទុក្ខកូនក្មួយកម្មករកម្មការិនីជាង៤ពាន់នាក់នៅកោះពេជ្រ រួចហើយ សម្តេចតេជោ ហ៊ុន សែន បានអញ្ជើញសួរសុខទុក្ខ និងផ្តល់ថវិកាផ្ទាល់ដៃ ដល់កូនក្មួយកម្មការិនីមានផ្ទៃពោះ ចំនួន ៣១៦នាក់។ សម្តេចតេជោ មានសប្រសាសន៍ថា កូនគេ កូនយើង ប្រពន្ឋគេ ប្រពន្ឋយើង… គឺត្រូវតែយកចិត្តទុកដាក់ ជាពិសេសកូនក្មួយដែលកំពុងមានផ្ទៃពោះដែលត្រូវការ លើកទឹកចិត្ត និងទទួលបាននូវកិច្ចគាំពារសុខុមាលភាពពិសេស។
សម្តេចតេជោនាយករដ្ឋមន្រ្តី នឹងបន្តខិតខំដោះស្រាយបញ្ហាជាច្រើនទៀតជូនក្មួយៗ ហើយការតម្លើងប្រាក់ខែគឺនឹងតម្លើងនៅរៀងរាល់ឆ្នាំ។
សូមជូនពរក្មួយៗដែលជាអនាគតម្តាយ និងចៅៗជាទីស្រឡាញ់មានសុខភាពល្អ និងសុខសុវត្ថិភាពក្នុងពេលសម្រាលកូនខាងមុខនេះ៕
រូបភាព៖ ហ្វេសប៊ុកសម្តេចតេជោ
