សារព័ត៌មាន នគរវត្ត តែងតែនាំមុខគេជានិច្ច
ខេត្តត្បូងឃ្មុំ៖ បុរសម្នាក់បានយកកាំភ្លើងបាញ់សម្លាប់ខ្លួន ចំក្បាល១គ្រាប់ ធ្លាយមកក្បាលស្លាប់ក្នុងថ្លុកឈាម ព្រោះតែមានវិបត្តិស្នេហា គូរសង្សាទៅនៅក្រៅប្រទេស កាលពីវេលាម៉ោង៧ព្រឹកថ្ងៃសៅរ៍ ៦រោច ខែមិគសិរ ឆ្នាំរកា នព្វស័ក ព.ស.២៥៦១ ត្រូវនឹងថ្ងៃទី៩ ខែធ្នូ ឆ្នាំ២០១៧ ស្ថិតក្នុងបន្ទប់ទឹកផ្ទះចាំចំការមួយកន្លែង នៅភូមិជ្រៃ ឃុំជាំក្រវៀន ស្រុកមេមត់ ដោយសារតែមានវិបត្តិដោះស្រាយមិនចេញ ព្រោះគូដណ្តឹងនៅអូរស្ត្រាលី បានទាមទារថ្លៃទឹកដោះរហូតដល់ទៅ៧ម៉ឺនដុល្លារឯណោះ ។
សមត្ថកិច្ចជំនាញបានថ្លែងថា សពជនរងគ្រោះខាងលើ មានឈ្មោះ ទី ភេទ ប្រុស អាយុ៣៥ឆ្នាំ ជាអ្នករស់នៅសង្កាត់បឹងព្រលឹត ខណ្ឌ៧មករា រាជធានីភ្នំពេញ ។ បុរសដែលស្លាប់ខាងលើនេះ បានមកនៅចាំចំការកៅស៊ូ ឱ្យលោកឧត្តមសេនីយ៍យោធាម្នាក់ ក្នុងស្រុកមេមត់ជាច្រើនឆ្នាំមកហើយ សព្វថ្ងៃនេះ ជាអ្នកមើលការខុសត្រូវលើកម្មករនៅទីនោះ។
សមត្ថកិច្ចបន្តថា ពេលកន្លងមក បុរសឈ្មោះទី នេះ បានឱ្យចាស់ទុំចូលស្តីដណ្តឹងស្ត្រីខ្មែរអាណិកជនម្នាក់ នៅប្រទេសអូស្ត្រាលី ក្នុងពេលដំបូងគេទារថ្លៃទឹកដោះ១ម៉ឺនដុល្លារ ហើយក្រោយមក ក៏បានប្រឹងប្រែងខិតខំប្រឹងធ្វើការងារ សន្សំលុយបានសមល្មម ។ លុះពេលដែលសួរនាំលើកទី២ បែរជាភាគីខាងស្រីទាមទារថ្លៃទឹកដោះរហូតដល់ទៅ៧ម៉ឺនដុល្លារ កាន់តែគ្មានលទ្ធភាពរកលុយ ដើម្បីឱ្យទៅគេនោះទេ ។
ក្រោយមកបុរសឈ្មោះទី បានខូចខិត្តឧស្សាហ៍ដើរផឹកស្រាស្រវឹង និងមានពេលខ្លះ ទៅចង.កធ្វើអត្តឃាត តែត្រូវបានសាច់ញាតិជួយសង្គ្រោះទាន់ ។ នៅពេលមុនថ្ងៃស្លាប់១ថ្ងៃ បុរសខាងលើបានឆាតតាមហ្វេសបុក ទៅស្ត្រីដែលរស់នៅប្រទេសអូស្ត្រាលីទៅវិញទៅមក ស្រាប់តែនៅវេលាម៉ោងប្រមាណជា៤ទៀបភ្លឺ ឈានចូលព្រឹកថ្ងៃទី០៩ ធ្នូ នេះ គាត់បានយកកាំភ្លើងអាកា៤៧ មកបាញ់ប្រហារធ្វើអត្តឃាត១គ្រាប់ ក្នុងបន្ទប់ទឹកផ្ទះចាំចំការ បណ្តាលឲ្យស្លាប់ក្នុងថ្លុកឈាមតែម្តង ៕ ហេង សូរិយា
