សមត្ថកិច្ចប៉ុស្តិ៍ទួលស្វាយព្រៃ១ចាប់វាយខ្នោះជនសង្ស័យ៤នាក់រួមនឹងថ្នាំញៀន២កញ្ចប់តូច

ភ្នំពេញ៖ ជនសង្ស័យ៤នាក់ត្រូវសមត្ថកិច្ចប៉ុស្តិ៍ទួលស្វាយព្រៃ១ចាប់វាយខ្នោះរួមនិងថ្នាំញៀន២កញ្ចប់តូច។ កាលវេលាម៉ោង១១យប់ ថ្ងៃទី១១ ខែធ្នូ ឆ្នាំ ២០១៧ នៅតាមផ្លូវលេខ១៧៣ សង្កាត់ទួលស្វាយព្រៃ១ ខណ្ឌចំការមន រាជធានីភ្នំពេញ។

បើតាមប្រភពពត៌មានពីសមត្ថកិច្ច បានប្រាប់ថាដោយកម្លាំងល្បាតក្នុងភូមិសាស្រ្តក៏ប្រទះឃើញក្មេងស្ទាវ៤នាក់ខាងលើកំពុងប្ដុំគ្នាជក់គ្រឿងញៀនហើយពេលឃើញសមត្ថកិច្ចក៏បំរុងរត់គេចតែដោយមានការសង្ស័យក៏ដេញឃើញបាននិងឆែកត្រួតពិនិត្យរកឃើញថ្នាំញៀន២កញ្ចប់តូច។

ជនសង្ស័យខាងលើមានឈ្មោះ ទី១. បូ គា ភេទប្រុស អាយុ ២០ឆ្នាំ មុខរបរ សន្តិសុខ ទី២. ឈ្មោះ ស៊ុន វ៉ាន់ ភេទប្រុស អាយុ ១៩ឆ្នាំ មុខរបរចុងភៅ ទី៣.ឈ្មោះ ឈិត ស្រស់ ភេទប្រុស អាយុ ១៨ឆ្នាំ មុខរបរ កូនកាំបិត ចំណែកទី៤.ឈ្មោះ មុត ម៉ាត្រា ភេទប្រុខ អាយុ ១៦ឆ្នាំ មុខរបរ កូនកាបិត។រួមនិង២គ្រឿង ទៀតផង ដែលមានម៉ាកនិច ពាក់ស្លាកលេខ ស្វាយរៀង 1K- 9298 និង ១គ្រឿងទៀត ម៉ាកឡែត ពណ៍ស ពាក់ស្លាកលេខ ស្វាយរៀង 1K-8103។

សម្ភារ ដកហូត ថ្នាំញៀន ២កញ្ចប់តូច សមត្ថកិច្ចបន្តថាក្រោយពីសួរនាំជនសង្ស័យទាំង៤នាក់ក៏បានឆ្លើយសារភាពថាទៅទិញថ្នាំញៀនយកមកជក់អស់ហើយទើបប្រទះជួបនិងសមត្ថកិច្ចចាប់វាយខ្នោះបន្ទាប់ពីរកឃើញគ្រឿងញៀនហើយក៏ធ្វើការដកហូតក្រាមសថ្លាចំនួន២កញ្ចប់តូច។

ក្រោយពេលកើតហេតុជនសង្ស័យទាំង៤នាក់រួមនិងវត្ថុតាងខាងលើ ត្រូវបានសមត្ថកិច្ចនាំទៅធ្វើការសាកសួរ និងកសាងសំណុំរឿងបញ្ជូនទៅអធិការដ្ឋាននគរបាលខណ្ឌចំការមនដើម្បីចាត់ការបន្តតាមនិតិវិធីច្បាប់៕ ស រស្មី