រថយន្តមួយគ្រឿងរេចង្កូតបុករបាំងពុះចែកទ្រូងផ្លូវអស់ចំនួន៧ផ្ទាំង

ខេត្តព្រះសីហនុ៖ នៅថ្ងៃអង្គារ ៩កើត ខែបុស្ស ឆ្នាំរកា នព្វស័ក ព.ស.២៥៦១ ត្រូវនឹងថ្ងៃទី២៦ ខែធ្នូ ឆ្នាំ២០១៧ វេលាម៉ោង ២០និង៣០នាទី លើផ្លូវវិថីផែ ត្រង់ចំណុច ចំណោទលោកយាយម៉ៅ ស្ថិតនៅក្នុងភូមិ៣ សង្កាត់លេខ៣ ក្រុងព្រះសីហនុ ខេត្តព្រះសីហនុ មានករណីគ្រោះថ្នាក់ចរាចរណ៍មួយកើតឡើង បង្កដោយខ្លួនឯង រថយន្ត ០១គ្រឿងម៉ាក NISSAN DIESEL ពណ៌ ស ពាក់ស្លាកលេខ ភ្នំពេញ 3A-5358 សណ្តោងរ៉ឺម៉កដឹកកុងតឺន័រ ពណ៌ ខៀវ ពាក់ស្លាកលេខព្រះសីហនុ 4A-2617 អ្នកបើកបររត់គេចខ្លួនបាត់ មិនស្គាល់អត្តសញ្ញាណ មានទិសដៅពីភ្នំពេញ ឆ្ពោះមក ខេត្តព្រះសីហនុ លុះដល់ចំណុចខាងលើ ក៏បានរេចង្កូតបុករបាំងពុះចែកទ្រូងផ្លូវអស់ចំនួន៧ផ្ទាំង ។

បច្ចុប្បន្នសមត្ថកិច្ចជំនាញកំពុងចាត់ចែងស្ទូចរបាំងចេញពីផ្លូវ និងយករថយន្តចេញ កុំឲ្យមានការកកស្ទះចរាចរណ៍ យកទៅរក្សាទុកនៅការិយាល័យនគរបាលចរាចរណ៍ផ្លូវគោក។

គ្រោះថ្នាក់នេះពុំបណ្ដាលឲ្យមានអ្នករងរបួសទេ ៕ ឆ្លាមសមុទ្រ