សារព័ត៌មាន នគរវត្ត តែងតែនាំមុខគេជានិច្ច
ក្នុងពេលដែលអីុរ៉ង់កំពុងធ្លាក់នៅក្នុងភាពចលាចល សហរដ្ឋអាមេរិកបាន ប្រកាសសន្យាគាំទ្រដល់ក្រុមបាតុករអីុរ៉ង់ មិនតែប៉ុណ្ណោះអាមេរិក ក៏បានប្រកាស ដាក់ទណ្ឌកម្ម អង្គភាពអីុរ៉ង់ចំនួន ៥ផ្សេង គ្នា ទៀតផង។
ប្រធានាធិបតីអាមេរិកលោក ដូណាល់ ត្រាំ បានសន្យាជួយគាំទ្រដល់ ក្រុមបាតុករប្រឆាំងរដ្ឋាភិបាលអុីរ៉ង់ ខណៈសេតវិមាន របស់លោក បានថ្លឹងការដាក់ទណ្ឌកម្មថ្មី ប្រឆាំងនឹងរបបមួយនេះ ដែលពាក់ព័ន្ធនឹង ការបង្ក្រាប ដោយហិង្សាទៅលើបាតុករ នេះបើយោងតាមការចុះផ្សាយ របស់ទី ភ្នាក់ងារសារព័ត៌មាន AFP. នៅថ្ងៃទី៤ ខែមករា ឆ្នាំ២០១៨ ។
មន្ត្រីយោធាអាមេរិកម្នាក់បាននិយាយថា ការគោរពបែបនេះសម្រាប់ប្រជាជនអុីរ៉ង់ នៅពេលពួកគេព្យាយាមយករដ្ឋាភិបាល ដែលពុករលួយរបស់ពួកគេត្រឡប់មកវិញ អ្នកនឹងឃើញការគាំទ្រដ៏ អស្ចារ្យពីសហរដ្ឋ អាមេរិក នៅពេលវេលាសមស្រប ដែល កំពុងបញ្ឆេះកំហឹង ពីអន្ដរជាតិផងដែរ ។
មន្ដ្រីយោធារូបនេះ មិនបានផ្តល់ព័ត៌ មានច្បាស់លាស់ទេ ប៉ុន្តែមន្រ្តីរដ្ឋបាលជាន់ខ្ពស់ម្នាក់ បានលើកឡើងថា សេតវិមាន កំពុងពិនិត្យមើល លើអាជ្ញាធរក្រុមប្រឹក្សា ឃុំ ដើម្បីអនុញ្ញាតឱ្យអង្គការ លោក ដូណាល់ ត្រាំ កំណត់គោលដៅអង្គការ ឬបុគ្គលដែលពាក់ព័ន្ធនឹងការរំលោភបំពានសិទ្ធិមនុស្ស ការត្រួតពិនិត្យឬការរារាំង ការជួបប្រជុំនៅក្នុងប្រទេសអុីរ៉ង់ ។
នៅពេលនេះ ក្រសួងរតនាគារជាតិអាមេ រិក បានប្រកាសដាក់ទណ្ឌកម្មលើអង្គភាពអុីរ៉ង់ចំនួន៥ ដែលមានជាប់ពាក់ព័ន្ធនឹង កម្មវិធីមីស៊ីលបាលីស្ទីករបស់អុីរ៉ង់។ នេះបើ តាមការចេញផ្សាយដោយទីភ្នាក់ងារសារព័ត៌មានចិនស៊ីនហួ នៅថ្ងៃសុក្រ ទី៥ ខែ មករា ឆ្នាំ២០១៨។
នៅក្នុងសេចក្ដីថ្លែងការណ៍របស់ខ្លួន ចេញផ្សាយកាលពីថ្ងៃព្រហស្បតិ៍ ក្រសួង រតនាគារជាតិអាមេរិក បាននិយាយថា អង្គភាពអុីរ៉ង់ទាំង៥ខាងលើ គឺបានចូលរួម ចំណែក យ៉ាងសំខាន់ក្នុងការអភិវឌ្ឍមីស៊ីលបាលីស្ទីក។ ដូច្នេះតាមរយៈការសម្រេច ចិត្តនេះ ប្រជាជនអាមេរិកទាំងអស់ត្រូវ បានហាមឃាត់ក្នុងការធ្វើកិច្ចព្រមព្រៀងផ្នែកហិរញ្ញវត្ថុ ឬផ្ដល់ការគាំទ្រដល់អង្គភាពទាំង៥នេះ ហើយអ្នករំលោភលើការដាក់ ទណ្ឌកម្មនេះអាចនឹងត្រូវបង្កកទ្រព្យសម្បត្តិ ឬហិរញ្ញវត្ថុអនុលោមតាមច្បាប់អាមេរិក។
គួរបញ្ជាក់ថា បើតាមរដ្ឋមន្ត្រីរតនាគារជាតិអាមេរិក លោក Steven Mnuchin ថា សហរដ្ឋអាមេរិក នឹងបន្តប្រឈមមុខនឹងអុីរ៉ង់ជាមួយការដាក់ទណ្ឌកម្មបន្ថែម។ ការ សម្រេច ចិត្តដាក់ទណ្ឌកម្មនេះ កើតមានឡើងនៅចំពេលរដ្ឋាភិបាលអុីរ៉ង់កំពុងប្រឈមមុខនឹងបាតុកម្មតវ៉ាពីសំណាក់ប្រជាជនអុីរ៉ង់ ដែលប្រឆាំងជំទាស់នឹងអំពើពុក រលួយ ព្រមទំាង ការឡើងថ្លៃទំនិញនៅក្នុងបរិបទទីក្រុងតេអេរ៉ង់កំពុងជាប់ទណ្ឌកម្មអាមេរិក។ ជាងនេះទៅទៀត បាតុកម្ម តវ៉ាដោយហិង្សានេះទៀតសោត បាន បណ្ដាលឱ្យមនុស្ស២៣នាក់ បាត់បង់ជីវិត និងរាប់រយនាក់ត្រូវចាប់ខ្លួន៕ ម៉ែវ សាធី
