សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ សម្តេចតេជោហ៊ុន សែន នាយករដ្ឋមន្ត្រីនៃកម្ពុជា នៅលើបណ្តាញសង្គមហ្វេសប៊ុក កាលពីព្រឹកថ្ងៃសៅរ៍ ៥រោច ខែបុស្ស ឆ្នាំរកា នព្វស័ក ព.ស.២៥៦១ ត្រូវនឹងថ្ងៃទី៦ ខែមករា ឆ្នាំ ២០១៨ បានថ្លែងនៅលើបណ្តាញសង្គមហ្វេសប៊ុកថា ថ្ងៃស្អែកនេះ យើងនឹងចូលរួមអបអរសាទរខួបលើកទី៣៩ នៃទិវាជ័យជំនះ ៧ មករា ដែលប្រទេសកម្ពុជារបស់យើងត្រូវបានរំដោះផុតពី របបប្រល័យពូជសាសន៍ ប៉ុល ពត។
សម្តេចតេជោថ្លែងថា៖
«ថ្ងៃនេះធាតុអាកាសនៅរាជធានីភ្នំពេញ ត្រជាក់ល្មមជាមួយនឹងពន្លឺព្រះអាទិត្យភ្លឺច្បាស់ល្អដែលបង្ហាញពីសិរីសួស្តីនៅពេលព្រឹក។
ថ្ងៃស្អែកនេះ យើងនឹងចូលរួមអបអរសាទរខួបលើកទី៣៩ នៃទិវាជ័យជំនះ ៧ មករា ដែលប្រទេសកម្ពុជារបស់យើងត្រូវបានរំដោះផុតពី របបប្រល័យពូជសាសន៍ ប៉ុល ពត។ អរគុណងប្អូនដែលបាន ចូលរួមថែរក្សាសន្តិភាព។
សូមបងប្អូនប្រជាពលរដ្ឋ ធ្វើដំណើរជិតឆ្ងាយគោរពច្បាប់ចរាចរណ៍ ប្រុងប្រយ័ត្ន និងយោគយល់អធ្យាស្រ័យអោយគ្នាទៅវិញទៅមក និងមានសុខសុវត្ថិភាពទាំងអស់គ្នា។
ជូនពរបងប្អូនជនរួមជាតិរីករាយថ្ងៃចុងសប្ដាហ៍»៕
