សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ រថយន្ដស៊េរីទំនើបម៉ាLAND CRUISER ដែលពាក់ស្លាកលេខ រដ្ឋ មួយគ្រឿង បានបើកបុករ៉ឺម៉កម៉ូតូពីក្រោយបណ្ដាលឲ្យរ៉ឺម៉កម៉ូតូរេចង្កូតត្រូវរថយន្ដដឹកដីបុកបន្ថែមពីក្រោយទៀត បណ្ដាលឲ្យម្ចាស់រ៉ឺម៉កម៉ូតូរងរបួសធ្ងន់ ហើយរថយន្ដដឹកដីបើករត់គេចខ្លួនបាត់សម្រោល។
ហេតុការណ៍នេះបង្កការភ្ញាក់ផ្អើលកាលពីវេលាម៉ោង១និង៣០នាទីរសៀល ថ្ងៃសុក្រ ១០កើត ខែមាឃ ឆ្នាំរកា នព្វស័ក ព.ស. ២៥៦១ ត្រូវនឹងថ្ងៃទី២៦ ខែមកា ឆ្នាំ២០១៨ នៅចំណុចបេតុងបឹងតាម៉ាត កែងផ្លូវ២១៧ ភូមិសំបួរ សង្កាត់ដង្កោ ខណ្ឌដង្កោ រាជធានីភ្នំពេញ ។
សមត្ថកិច្ចបានឲ្យដឹងថា បុរសម្ចាស់រ៉ឺម៉ុកកង់បីមានឈ្មោះ ឌី យ៉ា អាយុ៣៩ឆ្នាំមុខរបរ រត់រ៉ឺម៉កកង់បី មានស្រុកកំណើតតាកែវ ។
សាក្សីឲ្យដឹងថា ឃើញរ៉ឺម៉កម៉ូតូបើកបរតាមបណ្ដោយផ្លូវបេតុង បឹងតាម៉ាត ពេលនោះ ឃើញរថយន្ដ LAND CRUISER ពណ៌ខ្មៅ ពាក់ស្លាកលេខ រដ្ឋ 36 , 2,0989បើកបុករ៉ឺម៉កពីក្រោយ ហើយរ៉ឺម៉កម៉ូតូរេចង្កូតត្រូវរថយន្ដដឹកដីបុកបន្ថែមទៀត បណ្ដាលឲ្យបុរសម្នាក់ម្ចាស់រុឺម៉កម៉ូតូ រងរបួសជើងខាងឆ្វេងធ្ងន់ ។ ភ្លាមៗនោះរថយន្ដដឹកដីបានបន្ថែមល្បឿនរត់គេចខ្លួនបាត់ស្រមោល សល់តែរថយន្ដ LAND CRUISER នៅកន្លែងកើតហេតុ ។ ជនរងគ្រោះត្រូវប្រជាពលរដ្ឋដឹងយកទៅសង្គ្រោះនៅពេទ្យឯកជន ។
សមត្ថកិច្ចសម្របសម្រួលកន្លែងកើតហេតុ តែជនរងគ្រោះត្រូវប្រជាពលរដ្ឋដឹកទៅមន្ទីរពេទ្យបាត់ សមត្ថកិច្ចកិច្ចក៏ទាក់ទងជំនាញចរាចរណ៍ខណ្ឌមកវាស់វែងអូសរថយន្ដ និងរ៉ឺម៉កកង់បីយកទៅរក្សាទុកនៅអធិការដ្ឋាននគរបាលខណ្ឌដង្កោដើម្បីរង់ចាំដោះស្រាយគ្នានៅពេលក្រោយ ៕ ភារ៉ា ដង្កោ
