សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ស្ពឺ៖ បុរស២នាក់រងរបួសជាទំងន់ដោយសារគ្រោះថ្នាក់ចរាចរណ៍ជិះម៉ូតូទៅបុកគោយន្តដឹកឫស្សីដែលខូចកំពុងចតស្ងៀម។ក្រោយកើតហេតុជនរងគ្រោះត្រូវបានបញ្ជូនទៅកាន់ម្ទីរពេទ្យបង្អែកខេត្តធ្វលការសហ្រ្គោះផងដែរ។
ករណីគ្រោះថ្នាក់ចរាចរណ៍នេះកើតឡើងកាលពីវេលាម៉ោង២១និង៣០នាទីយប់ ថ្ងៃអង្គារ ៦រោច ខែមាឃ ឆ្នាំរកា នព្វស័ក ព.ស. ២៥៦១ ត្រូវនឹងថ្ងៃទី៦ ខែកុម្ភៈ ឆ្នាំ២០១៨ លើផ្លូវលេខ៤៤ ចន្លោះគីឡូមែត្រលេខ ៤៩-៥០ ស្ថិតនៅភូមិគោក ឃុំសង្កែសាទប ស្រុកឱរ៉ាល់ ខេត្តកំពង់ស្ពឺ ។
នគរបាលស្រុកឱរ៉ាល់បានប្រាប់ឲ្យដឹងថា មានករណីគ្រោះថ្នាក់ចរាចរណ៍មួយកើតឡើងរវាងម៉ូតូម៉ាកហុងដា Zummer X ពណ៌ទឹកមាស ពាក់ស្លាកលេខ ភ្នំពេញ 1GB-0999 បើកបរដោយឈ្មោះ អ៊ុំ ប៊ុនរ៉ុង (គ្មានមួកសុវត្ថិភាព) ភេទប្រុស អាយុ២២ឆ្នាំរស់នៅភូមិជំនាប់ ឃំុសង្កែសាទប ស្រុកឱរ៉ាល់ ខេត្តកំពង់ស្ពឺ ជិះឌុបឈ្មោះ សាំ ធុង (គ្មានមួកសុវត្ថិភាព) ភេទប្រុស អាយុ២៦ឆ្នាំមានទីលំនៅភូមិអូរកូនត្រុំ ឃំុត្រែងត្រយឹង ស្រុកភ្នំស្រួច ខេត្តកំពង់ស្ពឺ បើកក្នុងទិសដៅពីលិចទៅកើត។ប្រភពបន្តថាពេលកំពុងធ្វើដំណើរទៅដល់កន្លែងកើតហេតុស្រាប់តែ ទៅបុកជាមួយគោយន្តកន្ត្រៃ របស់ឈ្មោះ ញ៉ែម ស៊ន ភេទប្រុស អាយុ៥៣ឆ្នាំ និងប្រពន្ធឈ្មោះ គុយ រ៉ុម អាយុ៥២ឆ្នាំ រស់នៅភូមិតាំងរបង ឃុំហោងសំណំ ស្រុកឱរ៉ាល់ ខេត្តកំពង់ស្ពឺ ដែលខកំពុងចតនៅស្ងៀម(ខូច) បណ្ដាលឲ្យឫស្សីមុតជើង-ដៃឆ្វេង អ្នកជិះម៉ូតូទាំង០២នាក់ រងរបួសជាទំងន់ ចំណែកឈ្មោះ ញ៉ែម ស៊ន ម្ចាស់គោយន្តដឹកឫស្សីមុតភ្លៅស្តាំរងរបួសស្រាល។
ក្រោយកើតហេតុសមត្ថកិចហចបានហៅរថយន្តសង្គ្រោះមណ្ឌលសុខភាព ជា ស៊ីម ឱរ៉ាល់ បញ្ជូនទៅសង្គ្រោះនៅមន្ទីពេទ្យបង្អែកខេត្តកំពង់ស្ពឺ ។
ចំពោះវត្ថុតាងម៉ូតូ-គោយន្តសមត្ថកិច្ចបានយកទៅរក្សាទុកនៅអធិការដ្ឋាននគរបាលស្រុក និងកំពុងកសាងសំណុំរឿងតាមនិតិវិធី៕ សេនាស័ក្តិ
