សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ស្ពឺ ៖ អគ្គីភ័យមួយបានឆាបឆេះយ៉ាងសន្ធោសន្ធៅលេបត្របាក់ផ្ទះចំនួន២ខ្នងទាំងស្រុង តែដោយការខិតខំរបស់អាជ្ញាធរ និងសមត្ថកិច្ចភ្លើងមិនឆេះរាលដាលដល់ផ្ទះដែលនៅជិតខាងឡើយ ។
ចំពោះមូលហេតុត្រូវបានសមត្ថកិចដាក់ការសង្ស័យថា អាចបណ្តាលមកពីម្ចាស់ផ្ទះអុជធូបហើយទុកចោលទើបឆេះរាលដាលក្លាយជាអគ្គិភ័យ ដ៏សន្ធោសន្ធៅបែបនេះ ។
គ្រោះអគ្គិភ័យនេះ កើតឡើង កាលពីវេលាម៉ោង២២ និង៣០នាទីយប់ថ្ងៃព្រហស្បតិ៍ ១៥កើត ខែផល្គុន ឆ្នាំរកា នព្វស័ក ព.ស. ២៥៦១ ត្រូវនឹងថ្ងៃទី១ ខែមីនា ឆ្នាំ២០១៨ នៅភូមិម្រ្កាក់ ឃុំស្នំក្រពើ ស្រុកគងពិសី ខេត្តកំពង់ស្ពឺ ។ ម្ចាស់ផ្ទះត្រូវបានស្គាល់មានឈ្មោះ កៅ ហន អាយុ៥៦ឆ្នាំ។
ប្រភពពីសមត្ថកិចបានប្រាប់ថា មុនពេលកើតហេតុពីក្បាលព្រលប់គេបានឃើញកូនចៅរបស់ម្ចាស់ផ្ទះចេញចូលមកអុជធូបហើយក៏ចេញទៅវិញបាត់ទៅ(ផ្ទះទុកចោល)រហូតដល់យប់ជ្រៅស្រាប់តែមានផ្សែងហុយចេញពីក្នុងផ្ទះកហកាយជាអណ្តាតភ្លើងឆាបឆេះយ៉ាងសន្ធោសន្ធៅតែម្្តង។ឃើញហេតុការណ៍ដូច្នេះប្រជាពលរដ្ឋក៏បានរាយការណ៍មកអាជ្ញាធរមូលដ្ឋានដើម្បីសុំការជួយអន្តរាគមន៍។ក្នុងនោះផងដែរគេឃើញវត្តមានលោកអភិបាលស្រុកព្រមទាំងមន្ត្រីកម្លាំងប្រដាប់អាវុធចូលរួមទប់ស្កាត់យ៉ាងសស្រាក់ស្រាំផងដែរ។
ប្រភពបន្តថាក្រោយទទួលបានព័ត៌មានអំពីហេតុការណ៍ខាងលើ រថយន្ដពន្លត់អគ្គីភ័យរបស់អធិការនគរបាលស្រុកគងពិសី ចំនួន ០១គ្រឿង បានចេញជួយអន្ដរាគមន៍ភ្លាមៗ តែដោយសារអំណាចភ្លើងខ្លាំងធ្វើអោយការជួយមិនអាចរលត់បាន ដោយឃើញស្ថានភាពបែបនេះ សមត្ថកិចងចក៏បានស្នើសុំ រថយន្ដអគ្គីភ័យចំនួន ០២គ្រឿងទៀតរបស់ស្នងការដ្ឋាន នគរបាលខេត្ដដើម្បីជួយអន្ដរាគមន៍ តែដោយសារផ្លូវមានចំងាយឆ្ងាយធ្វើ អោយការជួយអន្ដរាគមន៍យឺតពេលហើយ ផ្ទះទាំង ២ខ្នងត្រូវភ្លើងឆេះស្ទើទាំងស្រុង (ផ្ទះ ប្រភេទផ្ទះថ្មក្រោម ឈើខាងលើហើយ ប្រក់ក្បឿង)។ ថ្វីត្បិតតែភ្លើងបានឆាបឆេះផ្ទះស្ទើទាំងស្រយកក៏ពិតមែន
ប៉ុន្ដែអ្វីដែលសមត្ថ្ិច្ចរួមទាំងអាជ្ញាធរបានជួយនោះគឺបានទប់ស្កាត់ការឆ្លងការរាលដាលឆេះបន្ដទៅផ្ទះផ្សេងទៀតដែលនៅក្បែរនោះ។
សមត្ថកិចនគរបាលស្រុកបានបញ្ជាក់ប្រាប់ថា ចំពោះការខូចខាតទ្រព្យសម្បត្ដិរបស់ម្ចាស់ផ្ទះមិនទាន់គណនាបាននៅឡើយទេ។ រង់ចាំធ្វើការសាកសួរ និងការឆ្លើយបំភ្លឺពីម្ចាស់ផ្ទះនៅព្រឹកថ្ងៃទី២មីនា២០១៨នេះសិនទើបអាចដឹងពីចំនួននៃការខូចខាតសម្ភារៈ និងទ្រព្យសម្បត្តិបាន។
សមត្ថកិច្ចបានបញ្ជាក់ថា មូលហេតុបឋមថាផ្ដើមចេញពីការឆ្លងចេញពីកម្ទេចធូប ដែលកូនចៅលោក កៅ ហន មកអុជធូបនៅពេលល្ងាច ៕ សេនាស័ក្តិ
