បុរសម្នាក់រក្សាទុកថ្នាំញៀនជាប់ខ្លួន ត្រូវនគរបាលស្រុកស្ទឹងហាវចាប់ខ្លួនជាមួយនឹងថ្នាំញៀនចំនួន៥កញ្ចប់

ខេត្តព្រះសីហនុ៖ ប្រភពព័ត៌មានពីមន្ត្រីនគរបាលខេត្តព្រះសីហនុ បានឲ្យដឹងថា៖ នៅវេលាម៉ោង១២ថ្ងៃត្រង់ ថ្ងៃសុក្រ ១រោច ខែផល្គុន ឆ្នាំរកា នព្វស័ក ព.ស.២៥៦១ ត្រូវនឹងថ្ងៃទី២ ខែមីនា ឆ្នាំ២០១៨ កម្លាំងនគរបាលស្រុកស្ទឹងហាវ បានសហការជាមួយនគរបាល ប៉ុស្តិ៍រដ្ឋបាលឃុំអូត្រេះ បានបង្ក្រាបបទល្មើស គ្រឿងញៀនមួយករណី ឃាត់ខ្លួនជនសង្សយ័១នាក់ ឈ្មោះឃឹម ឈីវ ភេទ ប្រុស អាយុ ៦២ឆ្នាំ មុខរបរ មិនពិតប្រាកដ ឃាត់នៅ ក្រុមទី៤ ភូមិ ២ ឃុំអូរត្រេះ ស្រុកស្ទឹងហាវ ខេត្តព្រះសីហនុ ព្រមទាំងចាប់យកបានថ្នាំញៀនម្សៅក្រាម សថ្លា ចំនួន ៤ កញ្ចប់ធំ និង១ កញ្ជប់តូច និង ទូរសព្ទ័ម៉ាក SAMSUNG មួយគ្រឿង។

បច្ចុប្បន ជនសង្ស័យត្រូវបានសមត្ថកិច្ចកសាងសំណុំរឿង បញ្ជូនទៅសាលាដំបូងខេត្ត ដើម្បីចាត់ការតាមនីតិវិធី៕ ឆ្លាម សមុទ្រ