សង្ស័យម្នាក់ត្រូវប៉ូលិសចាប់ខ្លួនពីបទចោរកម្ម

ក្រុងព្រះសីហនុ៖ ជនសង្សយ័ម្នាក់ត្រូវបានប៉ូលិសចាប់ខ្លួន នៅថ្ងៃចន្ទ ១១រោច ខែផល្គុន ឆ្នាំ រកា នព្វស័ក ព.ស.២៥៦១ ត្រូវនឹងថ្ងៃទី១២ ខែមីនា ឆ្នាំ២០១៨ វេលាម៉ោង ១១ និង ០០នាទី ពីបទចោរកម្ម ( លួចម៉ូតូ )ដែលបានប្រព្រឹត្តិកាលពីថ្ងៃទី១០ ខែមីនា ឆ្នាំ២០១៨ វេលាម៉ោង ១៥ និង៤០នាទី នៅក្រុមទី១២ ភូមិ១ សង្កាត់២ ក្រុងព្រះសីហនុ ពេលដែលម្ចាស់ម៉ូតូចតម៉ូតូទុកនៅមុខឱសថស្ថានយីហោប្រជាជន ។

ជនសង្ស័យ ឈ្មោះ ចាន់ ម៉ាន់ ហៅឡឹក ភេទប្រុស អាយុ៤៥ឆ្នាំ មុខរបរបើកបររថយន្ត ឲ្យកាសុីណូ តុងហ្វាងមុិញជឺ ស្នាក់នៅភូមិ១ សង្កាត់២ ក្រុងព្រះសីហនុ ។ ម្ចាស់ម៉ូតូឈ្មោះ កែម ម៉ាលី ភេទប្រុស អាយុ ៥៨ឆ្នាំ មានទីលំនៅភូមិ១ សង្កាត់១ ក្រុងព្រះសីហនុ ។

សមត្ថកិច្ចបញ្ជាក់ថា សម្ភារៈបាត់បង់៖ កាបូបលុយ ១, កាតធនាគារ ២សន្លឹក, លុយ ៥០០ដុល្លារ,ទូរស័ព្ទដៃ ៣គ្រឿង ( ម៉ាក អិនចុចពិល , ម៉ាក អាហ្វូនហ្វាយអេស “ IPHONE5s ” ពណ៌ស , ម៉ាកអាយហ្វូនសេវិនផ្លាស់ “ IPHONE7 PLUSH ” ពណ៌ស ), ម៉ូតូ ១គ្រឿង ម៉ាក VISION ពណ៌ក្រហម គ្មានស្លាកលេខ និងសម្ភារៈផ្សេងៗមួយចំនួនដែលនៅក្នុងម៉ូតូ ។

ប៉ូលិសថា វត្ថុតាងចាប់យកបាន៖ កាបូបលុយ ១,កាតធនាគារ ២សន្លឹក, ប័ណ្ណសម្គាល់អាវុធខ្លី ១សន្លឹក, អត្តសញ្ញាណប័ណ្ណនាយទាហាន ១សន្លឹក, ប័ណ្ណបើកបរកងយោធពលខេមរភូមិន្ទ ១សន្លឹក,ទូរស័ព្ទដៃ ៣គ្រឿង ( ម៉ាក អិនចុចពិល , ម៉ាក អាហ្វូនហ្វាយអេស “ IPHONE5s ” ពណ៌ស , ម៉ាក អាយហ្វូនសេវិនផ្លាស់ “ IPHONE7 PLUSH ” ពណ៌ស ), ម៉ូតូ ១គ្រឿង ម៉ាក VISION ពណ៌ក្រហម គ្មានស្លាកលេខ (ផលនៃអំពើលួច ) និងម៉ូតូ ១គ្រឿង ម៉ាក STEP ពណ៌ក្រហមខ្មៅ ស្លាកលេខៈ ភ្នំពេញ 1I០៣៩៣ ( មធ្យោបាយធ្វើសកម្មភាព ) ។

ករណីនេះ កម្លាំងជំនាញកំពុងបន្តនីតិវិធី ៕ ឆ្លាម សមុទ្រ