ជិះម៉ូតូបញ្ច្រាសផ្លូវជ្រុលបុកម៉ូតូមួយគ្រឿងទៀតរងរបួសធ្ងន់ស្រាល២នាក់

ភ្នំពេញ៖ បុរសម្នាក់ជិះម៉ូតូMSXមួយគ្រឿងបញ្ច្រាសផ្លូវក្នុងល្បឿនលឿន ជ្រុលចង្កូតទៅបុកម៉ូតូមួយគ្រឿងទៀត ម៉ាក scopyកូនទាជិះដោយបុរសម្នាក់ពេញទំហឹងបណ្តាលរងរបួសធ្ងន់ស្រាល២នាក់។

ហេតុការណ៍នេះ កើតឡើងកាលពីវេលាម៉ោង១០និង២០នាទីយប់ ថ្ងៃអង្គារ ៣រោច ខែចេត្រ ឆ្នាំរកា នព្វស័ក ព.ស.២៥៦១ ត្រូវនឹងថ្ងៃទី៣ ខែមេសា ឆ្នាំ២០១៨ ស្ថិតនៅចំណុចមុខផ្សារហេងលី ក្នុងសង្កាត់ទឹកថ្លា ខណ្ឌសែនសុខ។

តាមប្រភពព័ត៌មានពីកន្លែងកើតហេតុបានឲ្យដឹងថា មុនកើតហេតុគេឃើញបុរសម្នាក់ជិះម៉ូតូមួយគ្រឿងម៉ាកMSXពណ៍ក្រហមពាក់ស្លាកលេខកំពង់ស្ពឺ1I-0780ធ្វើដំណើទិសដៅពីត្បូងទៅជើងដោយបញ្ច្រាសផ្លូវចរាចរណ៍ ខណៈមកដល់ចំណុចកើតហេតុ ក៏ជ្រុលចង្កូតទៅបុកម៉ូតូមួយគ្រឿងម៉ាក scopy ពណ៌ប្រផេះពាក់ស្លាកលេខ ភ្នំពេញ 1BL-7014 ជិះដោយបុសម្នាក់ចេញតាមផ្លូវលំទិសដៅពីលិចទៅកើត លុះមកដល់ផ្លូវ២៧១បំរុងបត់ស្តាំដៃពេញទំហឹងបណ្តាលឲ្យម្ចាស់ម៉ូតូscopy រងរបួសធ្ងន់ត្រូវបានរថយន្តសង្គ្រោះគ្លីនីកហុងហាក់ ដឹកយកទៅសង្គ្រោះភ្លាម។ ថំណែកខាងម្ចាស់ម៉ូតូ MSX ខាងភាគីបង្ករងរបួសបែកក្បាលតិចតួច ។

ក្រោយកើតហេតុ សមត្ថកិច្ចមូលដ្ឋានបានចុះមកដល់ និងមានតំណាងខាងម្ចាស់ម៉ូតូបង្កចេញមក និងបានសម្របសម្រួលជាមួយខាងរងគ្រោះដើម្បីបញ្ចប់រឿងនៅនឹងកន្លែងកើតហេតុ ៕ សុខាសែនជ័យ