បុរសជនជាតិអាមេរិកដេកស្លាប់នៅក្នុងផ្ទះសំណាក់គីយ៉ុបណ្តាលមកពីខ្យល់គរ

ភ្នំពេញ៖ នៅថ្ងៃសុក្រ ៦កើត ខែពិសាខ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី២០ ខែមេសា ឆ្នាំ២០១៨ នៅវេលាម៉ោង១០”០០នាទី មានករណីបុរសជនជាតិអាមេរិកដេកស្លាប់នៅចំណុចផ្ទះសំណាក់គីយ៉ុ បណ្តាលមកពីខ្យល់គរ នៅទីតាំងផ្ទះលេខ៤៥៩ ABEo ផ្លូវ៣១០ ក្រុម៤៣ ភូមិ៥ សង្កាត់ អូឡាំពិច ខណ្ឌ ចំការមន រាជធានីភ្នំពេញ ។

សមត្ថកិច្ចឲ្យដឹងថា មុនកើតហេតុ ជនរងគ្រោះមានឈ្មោះ Chsgnon Ross Westcott ភេទប្រុស អាយុ២៩ឆ្នាំ ជនជាតិអាមេរិក មុខរបរ ទេសចរណ៍ បានចូលមកស្នាក់ផ្ទះសំណាក់នេះ ជាន់ទី៤ បន្ទប់លេខ ២១១ ខាងលើហើយ បានគោះទ្វារយូរពេក ក៏បានយកសោមកចាក់ទ្វារ ស្រាប់តែឃើញជនរងគ្រោះបានដេកស្លាប់បាត់ទៅហើយ ហើយម្ចាស់ផ្ទះសំណាក់បានរាយការណ៍ទៅសមត្ថកិច្ចមូលដ្នានភ្លាមៗផងដែរ ។

សមត្ថកិច្ចជំនាញបានចុះធ្វើកោសល្យវិច័យរួចសន្និដ្ឋានថា បុរសរងគ្រោះស្លាប់បណ្តាលមកពីខ្យល់គរ​ បច្ចុប្បន្នសពត្រូវដំកល់នៅសាលនៃមន្ទីរពេទ្យរុស្សី ៕ ស រស្មី