សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ រ៉ឺម៉កកង់បីបើកជែងរថយន្តគ្រឿង ខណៈនោះបង្កឲ្យរថយន្តដឹកក្រួសដែលកំពុងបើកបរពីត្បូងទៅជើងនៅតាមបណ្តោយផ្លូវកប់ស្រូវនោះបួងចង្កូតគេចកុំឲ្យបុករ៉ឺម៉កកង់៣នោះ ក៏ជ្រុលចង្កូតឡើងលើឃឿនសួនច្បារ ដាច់កាឡេក្រឡាប់ចាក់ក្រួសចោលពេញផ្លូវ ។
ករណីនេះកើតឡើងកាលពីវេលារសៀល ថ្ងៃសៅរ៍ ៧កើត ខែពិសាខ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី២១ ខែមេសា ឆ្នាំ២០១៨ ស្ថិតតាមបណ្តោយផ្លូវទំនប់កប់ស្រូវ សង្កាត់ត្រពាំងក្រសាំង ខណ្ឌពោធិ៍សែនជ័យ រាជធានីភ្នំពេញ ។
នៅក្នុងរថយន្តដែលជួបគ្រោះថ្នាក់នេះ មានមនុស្ស២នាក់ឪពុក និងកូន រងរបួសស្រាលប៉ុណ្ណោះ ៕ សុខា សែនជ័យ
