បុរសម្នាក់ជិះម៉ូតូ ទាក់ចង្កូតខ្ទាតចូលក្រោមរថយន្តជាន់ស្លាប់ភ្លាមៗនៅនិងកន្លែងកើតហេតុ

ខេត្តសៀមរាប៖ មានករណីគ្រោះថ្នាក់ចរាចរណ៍ បណ្តាលឲ្យស្លាប់បុរសម្នាក់ នៅវេលាម៉ោង១៧និង៥០នាទី ថ្ងៃអាទិត្យ ៨កើត ខែពិសាខ ឆ្នាំច សំរឹទ្ធិស័ក ព.ស. ២៥៦២ ត្រូវនឹងថ្ងៃទី២២ ខែមេសា ឆ្នាំ២០១៨ នៅចំណុចលើផ្លូវជាតិ៦ ទល់មុខមីក្រូ ហិរញ្ញវត្ថុ វ៉ាយ ស៊ីភី គ្រឹៈស្ថានឯកជន សាខាខេត្តសៀមរាប ស្ថិតនៅក្នុងភូមិដកពោធិ៍ សង្លាត់ស្លក្រាម ក្រុងសៀមរាប។

សមត្ថកិច្ចបញ្ជាក់ថាមូលហេតុ អ្នកជិះម៉ូតូទៅប៉ះរថយន្ដ ទាក់ចង្កូតខ្ទាតចូលក្រោមរថយន្ត ជាន់ស្លាប់តែម្ដង ជនរងគ្រោះឈ្មោះ ឃុន សុផា ភេទប្រុស អាយុ៣០ឆ្នាំ រស់នៅភូមិដូង ឃុំដូង ស្រុកប្រាសាទបល្ល័ង្គ ខេត្តកពង់ធំ ជនរងគ្រោះជិះម៉ូតូZoomer xឆ្នាំ2017 ពណ៌ក្រហម ខ្មៅ គ្មានស្លាក់លេខ បង្ករឡើងដោយរថយន្តយីឌុប ផ្លាកលេខ តាកែវ 3A:0742 បើកស្របទិសគ្នា ពីលិចទៅកើត ចំណែកអ្នកបើកបររត់គេចខ្លួនបាត់។

ក្រោយកើតហេតុសមត្ថកិច្ចបានចុះវាស់វែង ធ្វើកំណត់ហេតុ ប្រគល់សាកសពឲ្យសាច់ញាតិបងប្អូនដឹកយកទៅធ្វើបុណ្យតាមប្រពៃណី ចំណែក រថយន្តនិងម៉ូតូយកទៅរក្សាទុកនៅ ស្នងការខេត្តសៀមរាប ៕ ប៊ុន​រិទ្ធី