សារព័ត៌មាន នគរវត្ត តែងតែនាំមុខគេជានិច្ច
ខេត្តតនគិរី៖ លោកនេនមួយអង្គបានមកសុំគងនៅវត្តមួយក្នុងស្រុកវេុីនសៃបានពីរយប់ ស្រាប់តែលួចព្រះពុទ្ធរូបមួយអង្គធ្វើអំពីស្ពាន់នៅក្នុងបន្ទប់កុដិលោក ក្រោយមកត្រូវបានសមត្ថកិច្ចសហការជាមួយមន្ទីធម្មការស្រុកធ្វើការចាប់ផ្សឹក និងឃាត់ខ្លួនភ្លាមៗ។
ហេតុការណ៍លោកនេនលួចព្រះពទ្ធរូបនេះបានកើតឡើងនៅវេលាម៉ោង ៦និង១១នាទីល្ងាច ថ្ងៃពុធ ១០រោច ខែពិសាខ ឆ្នាំច សំរិទ្ធិស័ក ព.ស. ២៥៦២ ត្រូវនឹងថ្ងៃទី៩ ខែឧសភា ឆ្នាំ២០១៨ ស្ថិតនៅក្នុងភូមិវ៉ើនសៃ ឃុំវ៉ើនសៃ ស្រុកវ៉ើនសៃ។
ប្រភពពីសមត្ថកិច្ចថាករណីចោរកម្ម លួចព្រះពុទ្ធរូបមួយអង្គ នៅក្នុងបន្ទប់កុដិលោកនេះភ្លាម ក៏បានដឹកនាំកម្លាំងជំនាញអធិការនគរបាលស្រុកវើុនសៃបានចុះស្រាវជ្រាវភ្លាមៗដែរ។
ពេលនោះក៏បានឃើញលោកនេនមួយអង្គ ឈ្មោះ ឡុង សុខន អាយុ៣២ឆ្នាំ ជនជាតិខ្មែរ ស្រុកកំណើតភូមិតាលន់ ឃុំស្លាម៉ាត ស្រុកស្អាង ខេត្តកណ្តាលដែលបានមកគង់នៅវត្តភូមិវ៉ើនសៃរយៈពេល២យប់មកហើយនោះមានការសង្ស័យ។
បន្ទាប់មកសមត្ថកិច្ចក៏បានសួរនាំ ពេលនោះកូននេនោះបានឆ្លើយសារភាពថា ខ្លួនពឹតជាបានលួចយកព្រះពុទ្ធរូបមួយអង្គធ្វើអំពីស្ពាន់ទម្ងន់ប្រហែល៣៦គីឡូក្រាមដែលនៅកុដ្ឋិព្រះចៅអធិការវត្តនោះមែននិងបានយកទៅលាក់ទុកនៅរោងទូក.ង មុខវត្តក្បែរមាត់ទន្លេ។
បន្ទាប់ពីបានសាកសួររួចរាល់ហើយសមត្ថកិច្ចក៏បាននាំទៅយកព្រះពុទ្ធរូបមកវិញភ្លាមៗដែររួចកម្លាំងនគរបាលក៏បានសហការជាមួយការិយាល័យធម្មាការស្រុកនិងអនុគុណធ្វើការផ្សឹកភ្លាមៗផងដែរ។
សមត្ថកិច្ចក៏បាននាំខ្លួនអន្ទិតដែលបានផ្សឹករួចនោះមកកាន់អធិការដ្ឋាននគរបាលស្រុកដើម្បីកសាងសំណុំរឿងបញ្ជូនមកសាលាដំបូងខេត្តចាត់ការតាមនីតិវិធី ៕ ជីវ័ន្ត
