សារព័ត៌មាន នគរវត្ត តែងតែនាំមុខគេជានិច្ច
ខេត្តបន្ទាយមានជ័យ៖ ក្មេងទំនើង២នាក់បានរងការចាប់ខ្លួនពីកម្លាំងនគរបាលក្រុងប៉ោយប៉ែត ក្រោយធ្វើសកម្មភាពយកដាវសាំម៉ូរ៉ៃកាប់ទៅលើគូរទំនាស់ឋងសឹកគំនុំចាស់បណ្តាលឱ្យរងរបួសម្នាក់។
លោកវរសេនីយ៍ឯកធិន ស៊ិនដេត អធិការនគរបាលក្រុងប៉ោយប៉ែតប្រាប់ថាៈនៅថ្ងៃចន្ទ ៧កើត ខែជេស្ឋ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី២១ ខែឧសភា ឆ្នាំ២០១៨ វេលា ម៉ោង១០និង០០នាទី យប់ មានករណីហិង្សាដោយចេតនា កើតឡើងនៅចំណុចបរិវេនកាស៊ីណូផ្កាយប្រាំ ភូមិក្បាលស្ពាន១ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ ។
លោកប្រាប់ទៀតថា ជនបង្កមានគ្នា៦នាក់ ម៉ូតូ២គ្រឿង ម៉ាកសេ១២៥ ពណ៌ខ្មៅ នឹងMSX ពណ៌សរ បានធ្វើសកម្មភាពកាប់ឈ្មោះធឿន ប៊ុនធាង ភេទប្រុស អាយុ១៨ឆ្នាំ រស់នៅភូមិ ក្បាលស្ពាន២ សង្កាត់ប៉ោយប៉ែតបណ្តាលអោយរងរបួសក្បាលជង្គង់ខាងឆ្វេង សំរាកព្យាបាលនៅពេទ្យនគររាជ ។
ក្រោយពេលធ្វើសកម្មភាពរត់គេចខ្លួន លុះដល់ថ្ងៃទី២២ ឧសភា ២០១៨ ម៉ោង១១និង៣០នាទី យើងខ្ញុំស្រាវជ្រាវឃាត់ខ្លួនបាន៖ ១ ឈ្មោះឡេង ប៊ុនឡុង អាយុ១៦ ឆ្នាំភេទប្រុស ជនជាតិខ្មែរ ស្នាក់ នៅបណ្តោះអាសន្នផ្ទះជួល ភូមិ ក្បាលស្ពាន១ មុខរបរជាងបិតស្គុត ជនបើកម៉ូតូទៅកាប់។ ២ ឈ្មោះសោម សំណាង អាយុ ១៧ឆ្នាំភេទប្រុស ជនជាតិខ្មែរ ស្នាក់នៅផ្ទះជួល ភូមិបាលិេលយ្យ១ មុខរបរជាងបិតស្គុត ជនដៃដល់កាប់ផ្ទាល់។
លោកប្រាប់ទៀតថា ជនសង្ស័យនៅព្រឹកថ្ងៃទី២៣ ខែឧសភា ត្រូវបានបញ្ជូនទៅស្នងការដ្ឋាននគរបាលខេត្តដើម្បីចាត់ការតាមផ្លូវច្បាប់ ៕សំ វិច្ឆិកា
