សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ ក្រុមចោរឆក់ធ្វើសកម្មភាពឆក់កាបូបជនជាតិចិនប្រុសស្រីមួយក្រុម កំពុងដើរតាមផ្លូវរកផ្ទះសំណាក់សំរាក បានសម្រេច រួចជិះគេចខ្លួនបាត់ស្រមោល ។
ហេតុការណ៍ឆក់កាបូបជនបរទេសនេះបានកើតឡើងម៉ោងជាង០៩យប់ ថ្ងៃអង្គារ ១៥កើត ខែជេស្ឋ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី២៩ ខែឧសភា ឆ្នាំ២០១៨ នៅតាមបណ្តោយផ្លូវលេខ១២៨ កែងផ្លូវ៦៧ ខាងលិចផ្សារធំថ្មី សង្កាត់ផ្សារថ្មី២ ខណ្ឌដូនពេញ រាជធានីភ្នំពេញ។
ប្រភពព័ត៌មាននៅកន្លែងកើតហេតុបានឲ្យដឹងថា នៅមុនពេលកើតហេតុ គេឃើញជនជាតិចិនមួយក្រុមគ្នា៥នាក់មានស្រីមានប្រុសកំពុងដើររកផ្ទះសំណាក់សំរាក ខណៈដើរមកដល់ចំណុចមុខកន្លែងលក់អាហារពេលរាត្រី នៅតាមផ្លូវ១២៨ កែងផ្លូវ៦៧ ជិតផ្សារធំថ្មី ស្រាប់តែលេចមុខជនសង្ស័យមួយក្រុម ជិះម៉ូតូ២គ្រឿង ម៉ាក Dream សង់មួយគ្រឿងជិះគ្នា២នាក់ និងម៉ូតូធំម៉ាក SL មួយគ្រឿងទៀត មិនចាំស្លាកលេខទាំង២គ្រឿង បានធ្វើសកម្មភាពឆក់កាបូប ពីស្ត្រីជនជាតិជនម្នាក់បានសម្រេច រួចជិះគេចខ្លួនបាត់ស្រមោល ។
បន្ទាប់ពីកើតហេតុជនជាតិចិនតែត្រូវក្រុមចោរឆក់ត្រូវបានសមត្ថកិច្ចនាំមកប៉ុស្តិ៍រដ្ឋបាលផ្សារថ្មីទី២ ដើម្បីធ្វើសាកសួរ និងដាក់ពាក្យបណ្ដឹងស្វែងរកចាប់ខ្លួនជនសង្ស័យទាំងអស់យកមកផ្តន្ទាទោសទៅតាមច្បាប់ ៕ ជ្រោយពេជ្រ
