សារព័ត៌មាន នគរវត្ត តែងតែនាំមុខគេជានិច្ច
ខេត្តបន្ទាយមានជ័យ៖ នាព្រឹកថ្ងៃសុក្រ ៣រោច ខែជេស្ឋ ឆ្នាំច សំរឹទ្ធិស័ក ព.ស២៥៦២ ត្រូវនឹង ថ្ងៃទី១ ខែមិថុនា ឆ្នាំ២០១៨នេះ លោក បោន ប៊ិន ប្រធានក្រុមការងារថ្នាក់ខេត្ត ចុះជួយឃុំគំរូ ស្រុកថ្មពួក រួមជាមួយសហការី បានចុះត្រួតពិនិត្យការងារជួសជុល និងកសាងផ្លូវ កាយប្រឡាយរំដោះទឹក លូបង្ហូរ និងជួបសំណេះសំណាល ជាមួយប្រជាពលរដ្ឋតាមខ្នងផ្ទះ ស្ថិតក្នុងឃុំគំរូ ស្រុកថ្មពួក ខត្តបន្ទាយមានជ័យ រួមមាន៖
ទី១-កាយប្រឡាយរដោះទឹក ក្នុងភូមិគំរូ មួយខ្សែប្រវែង ១.៤០០ម៉ែត្រ (រួចរាល់ជាស្ថាពរ) ទី២-កាយប្រឡាយរំដោះទឹក ក្នុងុភូមិអណ្តូងខ្លុង មួយខ្សែប្រវែង ១.៦៨០ម៉ែត្រ (រួចរាល់ជាស្ថាពរ) ទី៣-គៀរបង្ហាប់ផ្លូវ ក្នុងភូមិគំរូ មួយខ្សែប្រវែង១.៤០០ម៉ែត្រ (រួចរាល់ ១.៣០០ម៉ែត្រ នៅសល់ ១០០ម៉ែត្រ) ទី៤-គៀរបង្ហាប់ផ្លូវ ក្នុងភូមិអណ្តូងខ្លុង មួយខ្សែប្រវែង ៦៨០ម៉ែត្រ (រួចរាល់ស្ថាពរ) ទី៥-ចាក់ដី ដើម្បីសាងសង់ទីស្នាក់ការគណបក្សឃុំគំរូ បាន១២១ឡាន(ស្មើ ៩០%) ទី៦-ពិនិត្យគម្រោងគៀរបង្ហាប់ផ្លូវ ដើម្បីក្រាលគ្រួសក្រហម ចំនួន២ខ្សែ មានប្រវែងសរុប៥២០ម៉ែត្រ ក្នុងភូមិផ្សារថ្មី ។
ក្នុងនោះផងដែរ លោកប្រធានក្រុមការងារ និងក្រុមកាងារ បានឆ្លៀតឱកាសចែកជូនជាអំណោយដល់ ចាស់ជរា ប្រជាពលរដ្ឋ និងកុមារ ក្នុងភូមិផ្សារថ្មី ឃុំគំរូ សរុបចំនួន៩៦នាក់ ក្នុងនោះ ប្រជាពលរដ្ឋ៥៣នាក់ ក្នុងម្នាក់ៗ ទទួលបានសារ៉ុង១ និងថវិកា ១ម៉ឺនរៀល, ចាស់ជរា ម្នាក់ៗទទួលបានសារ៉ុង៣ ថវិកា៦ម៉ឺនរៀល, កុមារ៤២នាក់ ក្នុងម្នាក់ ទទួលអាវកីឡា១កំប្លេ ថវិកា ១ម៉ឺនរៀលផងដែរ៕ ស តារា
