សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ប្រជាពរដ្ឋបានប្រទះឃើញលោកយាយវ័យចំណាស់ម្នាក់ ដែលត្រូវបានម៉ូតូរឺម៉កកង់បីដឹកយកមកទម្លាក់ចោលហើយជិះចេញទៅបាត់បង្កការភ្ញាក់ផ្អើលកាល់ពីវេលាម៉ោង៩និង៥០នាទីព្រឹក ថ្ងៃសុក្រ ៣រោច ខែជេស្ឋ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី១ ខែមិថុនា ឆ្នាំ២០១៨ មុខវិហារឥស្លាម ភូមិត្រពាំងពោធិ សង្កាត់ចោមចៅ៣ ខណ្ឌពោធិ៍សែនជ័យ ។
ស្រ្តីអនាថាខាងលើ ត្រូវបានស្គាល់ឈ្មោះឡើយ មានអាយុជាង៥០ឆ្នាំ ក្នុងសភាពវង្វេង និយាយ មិនប្រក្រតី មិនដឹងថា សាច់ញាតិ ផ្ទះសម្បែងនៅដល់ណា ។
ប្រជាបពលរដ្ឋបានឲ្យដឹងថា នៅវេលាម៉ោងខាងលើ គេឃើញម៉ូតូកង់បីមួយគ្រឿង បានដឹកស្រ្តីខាងលើ មកដល់ចំណុចខាងលើ ដេញឲ្យចុះចេញពីម៉ូតូ ហើយបើករត់គេចទៅបាត់ ទុកឲ្យស្រ្តីខាងលើ អង្គុយត្រាំទឹកចិញ្ចើមផ្លូវ ទើបបងប្អូនប្រជាពលរដ្ឋ នាំយកទៅអង្គុយ ក្រោមសំយ៉ាបមុខផ្ទះ ជាបណ្តោះអាសន្ន ជូនជាបាយ ទឹក សម្លៀកបំពាក់មួយចំនួន ហើយរាយការណ៍ប្រាប់អាជ្ញាធរ ។
បើតាមសម្តីស្រ្តីខាងលើ តែមិនច្បាស់ ដោយសារគាត់វង្វេង បានឲ្យដឹងថា គាត់ត្រូវបានខាងមណ្ឌលអប់រំ ដេញគាត់ចេញ ឲ្យជិះកង់បី តែរកផ្លូវទៅវិញអត់ឃើញ ។ ទោះជាសាកសួររកឈ្មោះមណ្ឌលអប់រំ ដែលគាត់ធ្នាប់ស្នាក់នៅ តែនិយាយមិនច្បាស់ ។
ក្រោយពីជនមិនស្គាល់មុខដឹកយកស្រ្តីខាងលើទៅទម្លាក់ចោល ត្រូវបានមេភូមិ ពលរដ្ឋ ជួយដឹកយកទៅសាលាសង្កាត់ចោមចៅ៣ ហើយបានទំនាក់ទំនងទៅមន្ទីរសង្គមកិច្ចមទទួល៕ សុខាសែនជ័យ
