សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ នៅវេលាម៉ោង២២ ថ្ងៃសៅរ៍ ១១កើត ខែបឋមាសាឍ ឆ្នាំច សំរឹទ្ធិស័ក ព.ស. ២៥៦២ ត្រូវនឹងថ្ងៃទី២៣ ខែមិថុនា ឆ្នាំ២០១៨ លើផ្លូវទៅទំនប់រលកចាស់ ម្តុំអ៊ូទូក ស្ថិតក្នុងភូមិ៣ សង្កាត់លេខ៣ ក្រុងព្រះសីហនុ ខេត្តព្រះសីហនុ មានករណីគ្រោះថ្នាក់ចរាចរណ៍មួយកើតឡើងរវាងម៉ូតូនឹងម៉ូតូ ជិះបញ្ច្រាសទិសគ្នាបុកគ្នាពេញទំហឹងបណ្ដាលមនុស្សម្នាក់បានស្លាប់នៅនឹងកន្លែង និងម្នាក់ទៀតរងរបួសធ្ងន់ធ្ងន់ធ្ងរ ។
បង្កដោយម៉ូតូ១គ្រឿង ម៉ាក HONDA WAVE ពណ៌ខ្មៅ គ្មានស្លាកលេខ អ្នកបើកបរឈ្មោះ ចាប ឆុង ភេទប្រុស អាយុ១៧ឆ្នាំ មុខរបរកម្មករ ស្នាក់នៅភូមិ៣ សង្កាត់លេខ១ ក្រុងព្រះសីហនុ ខេត្តព្រះសីហនុ (ស្លាប់) មានទិសដៅពីជើង ឆ្ពោះទៅ ត្បូង បានប;ក រំលោភទៅខាងឆ្វេងដៃបុកជាមួយ ម៉ូតូ១គ្រឿង ម៉ាក HONDA C125 ពណ៌ខ្មៅ ពាក់ស្លាកលេខ កំពត 1E-1274 បើកបរដោយឈ្មោះជ័រ ក្រៀម ភេទប្រុស អាយុ២៨ឆ្នាំ មុខរបរកម្មករនេសាទ ស្នាក់នៅភូមិ៣ សង្កាត់លេខ១ ក្រុងព្រះសីហនុ ខេត្តព្រះសីហនុ បញ្រ្ចាសទិសគ្នា ។
គ្រោះថ្នាក់នេះបណ្ដាលឲ្យឈ្មោះ ចាប ឆុង ស្លាប់នៅកន្លែងកើតហេតុ ។ ឈ្មោះ ជ័រ ក្រៀម រងរបួសធ្ងន់ បញ្ជូនទៅសង្រ្គោះនៅភ្នំពេញ ៕ ឆ្លាម សមុទ្រ
