សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ បុរសម្នាក់បានបើករថយន្តកាមរីគូទហើម មួយគ្រឿងស្រាប់តែរេចង្កូតជ្រុលទៅបុកក្បាល របាំងថ្មពុះចែកទ្រូងផ្លួវជាប់នឹងកន្លែងទៅមុខលែងរួម រងការខូចខាតយ៉ាងដំណំ តែអ្នកបើកបររថយន្ដមិនមានរងរបួសនោះទេ ។
ហេតុការណ៍នេះកើតឡើងកាលពីវេលាម៉ោង២រំលងអធ្រាត្រឈានចូលថ្ងៃទី២៥ ខែមិថុនា ឆ្នាំ២០១៨ នៅតាមបណ្ដោយផ្លូវព្រះមុនីវង្ស ស្ថិតក្នុងសង្កាត់បឹងកេងកង១ ខណ្ឌចំការមន រាជធានីភ្នំពេញ ។
បើតាមប្រភពព័ត៌មានពីកន្លែងកើតហេតុបានឲ្យដឹងថា នៅមុនពេលកើតហេតុ គេឃើញបុរសម្នាក់បើក រថយន្តកាមរីគូទហើម ពណ៌ស មួយគ្រឿង ពាក់ស្លាកលេខ ភ្នំពេញ 2D-0221 ធ្វើដំណើរយ៉ាងលឿន ក្នុងទិសដៅពីត្បូងទៅជើង ខណៈមកដល់ចំណុចកើតហេតុរថយន្តខាងលើ ក៏បានរេចង្កូតទៅបុកក្បាលរបាំងថ្ម ខណ្ឌចែកទ្រូងផ្លូវបណ្ដោយឲ្យជាប់និងកន្លែងទៅមុខលែងរួម រងការខូចខាតយ៉ាងដំណំ ប៉ុន្តែអ្នកបើកបរពុំមានរងរបួស។
ក្រោយពេលកើតហេតុរថយន្តបង្កខាងលើត្រូវបានសមត្ថកិច្ចយកទៅកាន់ការិយាល័យចរាចរ នៃស្នងការដ្ឋាននគរបាលរាជធានីភ្នំពេញដើម្បីដោះស្រាយគ្នាតាមផ្លូវច្បាប់ ៕ ស រស្មី
