សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ ដំណឹងធ្លាក់ខ្លួនក្រលំបាករបស់អតីតតារាចម្រៀងល្បីឈ្មោះ លោក ចាន់ សម័យ សុះសាយនោះ បានធ្វើឲ្យតារាសម្តែងជើងចាស់អ្នកនាង ស៊ិន ឧត្តមផល្លា បន្តនៅស្ងៀម មិនជួយមិនបាន ។
នាងបានយកសម្ភារៈនិងថវិកាទៅឧបត្ថម្ភជួយឧបត្ថម្ភដោយផ្ទាល់ ដើម្បីសម្រួលការខ្វះខាតខ្លះៗដល់គ្រួសាររបស់លោក ចាន់ សម័យ ដែលជាតារាចំរៀងពេញនិយបសម័យឆ្នាំ២០០០នោះ ។
ស៊ិន ឧត្តមផល្លា បានសរសេរបង្ហោះពាក្យពេជន៍លើបណ្តាញសង្គម ដោយភ្ជាប់ជាមួយរូបភាពរបស់លោក ចាន់ សម័យ ផងដែរថា ថ្ងៃនេះនាងខ្ញុំបានមកដល់ផ្ទះលោក ចាន់ សម័យ និងបាននាំយកអំណោយក៏ដូចជាថវិកាផ្ទាល់ខ្លួនរបស់នាងខ្ញុំមកជូនគាត់ និងក្រុមគ្រួសារ។ សូមថ្លែងអំណរគុណដល់ប្អូនម្លិះរួតកាត់ដេរ ដែលបានជូនថវិកាដល់លោក ចាន់ សម័យ ចំនួន៤ម៉ឺនរៀល និងប្អូន Angel Locsin ចំនួន១៥ម៉ឺនរៀល ៕
