សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ តាមការបញ្ជាក់របស់អ្នកនាំពាក្យក្រសួងបរទេស និងសហប្រតិបត្តិការអន្តរជាតិ នាព្រឹកថ្ងៃចន្ទ ១២រោច ខែបឋមាសាឍ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី៩ ខែកក្កដា ឆ្នាំ២០១៨ បានឲ្យដឹងថា ស្ត្រីខ្មែរចំនួន១៦នាក់ទៀត ត្រូវបានក្រសួងការបរទេសកម្ពុជា អន្តរាគមន៍ជួយសង្គ្រោះឲ្យត្រឡប់មកស្រុកកំណើតវិញ បន្ទាប់ពីពួកគេបានចាញ់បោកមេខ្យល់នាំទៅរៀបការជាមួយបរទេសចិន និងខ្លះទៀតមិនទ្រាំទ្រ ជាមួយការងារបាន ។
លោក ជុំ សុន្ទរី អ្នកនាំពាក្យ តាមរយៈសេចក្តីប្រកាស បានបញ្ជាក់ថា ស្ត្រីខ្មែរទាំង១៦នាក់ ត្រូវបានជួយសង្គ្រោះ ពីប្រទេសចំនួន៤ ក្នុងនោះ ៨នាក់នៅប្រទេសចិន ៤នាក់នៅវៀតណាម ៣នាក់នៅប្រទេសថៃ និងម្នាក់នៅប្រទេសអារ៉ាប៊ីសាអ៊ូឌីត ។
លោកថា មូលហេតុដោយសារស្ត្រីខ្មែរទាំងនោះទ្រាំទ្រការងារមិនកើត ៕
