សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ករណីគ្រោះថ្នាក់ចរាចរមួយបានកើតឡើងរវាងរថយន្តកាមរីបាឡែនបើកបោះពួយយ៉ាងលឿនទៅបុករថយន្តកាមរីឆ្លាមទាំងកំរោល ខណៈដែលកំពុងបើកបត់ឆ្លងផ្លូវបណ្ដាលឲ្យរថយន្តទាំង២គ្រឿងរងការខូចខាតយ៉ាងដំណំ ប៉ុន្តែសំណាងល្អមិនមានអ្នករងបួសនោះទេ ។
ហេតុការណ៍គ្រោះថា្នក់ចរាចរណ៍នេះបានកើតឡើងកាលវេលាម៉ោង៩ព្រឹក ថ្ងៃចន្ទ ១២រោច ខែបឋមាសាឍ ឆ្នាំច សំរឹទ្ធិស័ក ព.ស២៥៦២ ត្រូវនឹង ថ្ងៃទី៩ខែ កក្ដដា ឆ្នាំ២០១៨ ស្ថិតនៅត្រង់ចំណុចស្តុបផ្លូវ២៧១កែងនឹងផ្លូវ៦០ម៉ែត្រ សង្កាត់ចាក់អង្រែលើ ខណ្ឌមានជ័យ ។
យោងតាមប្រភពព័ត៍មានពីសាក្សីនៅកន្លែងកើតហេតុ បានឱ្យដឹងថា មុនពេលកើតហេតុបានឃើញរថយន្តម៉ាកកាមរីឆ្លាមពណ៌ស្ករពាក់ស្លាកលេខភ្នំពេញ2M1839បើកបរដោយបុរសម្នាក់ ធ្វើដំណើរតាមបណ្ដោយផ្លូវលេខ៦០ម៉ែត្រ ។លុះបើកមកចំណុចស្តុបបត់ឆ្លងផ្លូវ ស្រាប់តែរថយន្តមួយគ្រឿងម៉ាកកាមរីបាឡែនពណ៌ទឹកប្រាក់ពាក់ស្លាកលេខភ្នំពេញ2AR3327បើកបរតាមបណ្ដោយផ្លូវ២៧១ទិសដៅពីលិចទៅកើត។រថយន្តនោះបានបោះពួយមកបុកចំពាក់កណ្ដាលខ្លួនរថយន្តកាមរីឆ្លាមបណ្ដាលឱ្យបែរក្បាលត្រឡប់ក្រោយវិញរងការខួចខាតទាំងសងខាងតែមិនបង្កឱ្យមានអ្នករងរបួសទេ។
ក្រោយកើតហេតុនគរបាលចរាចរណ៍ប្រចាំគោលដៅនៅក្បែរនោះជួយធ្វើអន្តរាគមន៍ដោយវាស់វែងតាមជំនាញ ដើម្បីយករថយន្តទាំង២គ្រឿងនេះចេញសិន ព្រោះក៏ឲ្យមានការកកស្ទះចរាចរណ៍ ហើយភាគីរថយន្តទាំងសងខាងក៏សម្របសម្រួលគ្នាបញ្ចប់រឿងនៅកន្លែងកើតហេតុតែម្តង ៕ស តារា
